برآمدات ودھاوݨ کیتے نجی شعبے کوں وی اڳو تے آوݨا ہوسی، ہارون اختر خان

لاہور۔29 اگست(اے پی پی)وزیرِ اعظم دے مشیر ہارون اختر خان آکھیے جو برآمدات ودھاوݨ کیتے نجی شعبے کوں وی اڳو تے آوݨا ہوسی۔ لاہور چیمبر آف کامرس اچ میڈیا نال الیندے انہاں آکھیا جو حکومت کاروباری اتے تاجر برادری کوں ودھ سوکھ ݙیوݨ چاہندی اے، معاشی استحکام کیتے سیاسی استحکام ضروری اے تاں جو ملک کوں معاشی ترقی دی راہ تے سٹیا ونڄ سڳے۔ ہاروں اختر خان آکھیا جو اڄوکی صورتحال اچ خطے اچ امن کیتے پاکستان دے کردار کون پورا ڄڳ منیندا پئے، ڄق اچ ٻھاہ لڳی ہوعی ہئی اتے ایندے اچ کوئی وی اڳو تے آوݨ کوں تیار نا ہا ٻھل پاکستان اڳو ودھ تے قائدانہ کردار ادا کیتے۔ انہاں آکھیا جو ملک اچ سرمایہ کاری چاھݨ آلیاں کمپنیاں دی لائن لڳی ہوئی اے، حکومت سرمایہ کاراں اتے کاروباری طبقے کوں سازگار ماحول ݙیوݨ کیتے ودھ اقدامات کریندی پئی اے۔