پاکستان 14 سال بعد لارڈز ٹیسٹ ہر ڳئے، 194 رنز تو شکست

لارڈز۔ 30 اگست(اے پی پی)پاکستان 14 سال بعد لارڈز اچ ٹیسٹ میچ ہر ڳئے اتے ایں شکست توں بعد انگلینڈ ݙو میچاں دی ٹیسٹ سیریز ݙو صفر توں جیت ڳھدی۔ لارڈز ٹیسٹ دے چوتھے ݙینھ پاکستان کوں انگلینݙ 389 رنز دا وݙا ہدف ݙتے جیندے پچھو پاکستانی ٹیم مایوس کن کاردگی دا سلسلہ نئیں چھوڑیا، پہلیاں 3 وکٹاں صرف 14 رنز تے ݙھے ڳئن، عبداللہ شفیق صفر، اذان اویس اتے بابر اعظم 6، 6 رنز تے آئوٹ تھئے۔ ایں موقع تے سعود شکیل اتے شان مسعود ٹیم کوں کڄھ سنٻھالئے ٻھل 111 رنز تے شان مسعود وی 24 رنز ٻݨا تے ٹر ڳئن اتے پاکستان دے جیتݨ دی امید اوں ویلھے دم تروڑ ڳئی ڄݙاں وکٹ کیپر بیٹر محمد رضوان وی ہک رن ٻݨاوݨ توں بعد ٹردے تھئن۔ انہاں دے بعد علی عثمان 24 رنز دی مزاحمت کیتی اتے او وی وکٹ ݙے ڳئن، محمد عباس 13 اتے محمد علی 8 رنز ٻݨائے۔  اتے 194 تے پوری ٹیم آئوٹ تھی ڳئی۔ لارڈز ٹیسٹ اچ سعود شکیل 97 رنز نال اڳو رہین ڄݙاں جو محمد عباس میچ اچ 8 وکٹاں ڳھدن۔ ٹیسٹ سیریز دی اہم ڳالھ اے جو قومی ٹیم ݙوہیں ٹیسٹ میچاں اچ 2 سو دا ہندسہ تک پار نئیں کرسڳی۔ پہلے ٹیسٹ اچ پاکستان ہک اننگز اتے سو رنز توں ہریا ہا۔ پاکستان 3 ٹیسٹ میچاں دی سیریز اچوں ݙو میچ مایوس کن انداز اچ ہر ڳئے۔