وزیر خزانہ محمد اورنگزیب دی اے ڈی بی دے نائب صدر نال ملاقات

اسلام آباد۔ 02 ستمبر(اے پی پی)وفاقی وزیر خزانہ و محصولات سینیٹر محمد اورنگزیب نال ایشیائی ترقیاتی بینک (اے ڈی بی) دے جنوبی، وسطی اتے مغربی ایشیا دے نائب صدر ینگ منگ یانگ وفد نال ملین۔ ملاقات اچ پاکستان اتے اے ڈی بی دے تعاون، ساختی اصلاحات، سرمایہ کاری، نجی شعبے دی ترقی اتے مالیاتی سہولتاں تائیں رسائی سودھا مختلف امور تے ڳالھ مہاڑ کیتی ڳئی۔ وزیر خزانہ سینیٹر محمد اورنگزیب پاکستان نال اے ڈی بی دی دیرینہ شراکت داری اتے حکومت دے اصلاحاتی ایجنڈے کیتے مسلسل تعاون کوں سراہیا۔ وزیر خزانہ ایس ایم ایز کیتے مالیاتی سہولتاں ودھاوݨ اتے انہاں دی استعداد کار بہتر ٻݨاوݨ دے حکومتی اقدامات دا ݙسایا۔ ملاقات اچ انشورنس دے شعبے اچ تبدیلی دے پروگرام، پبلک پرائیویٹ پارٹنرشپ دے اقدامات، منصوبیاں دی تیاری اتے انہاں تے موثر عملدرآمد دی استعداد بہتر بݨاوݨ دا وی جائزہ ڳھدا ڳیا۔ ملاقات اچ پنشن اصلاحات اتے ادارہ جاتی استعداد کار ودھاوݨ تے وی الایا ڳیا۔ ملاقات اچ اے ڈی بی دے وفد دے ارکان ڈپٹی ڈائریکٹر جنرل یونگ یے، نائب صدر دے سینئر مشیر یانگ لو، کنٹری ڈائریکٹر ایما فین، ڈپٹی کنٹری ڈائریکٹر حسین حیدر، پرنسپل کنٹری سپیشلسٹ میاں شوکت شفیع، کنٹری پروگرام آفیسر خیام عباسی، سینئر اکانومسٹ ثنا مسعود، سینئر پروجیکٹ آفیسر فرزانہ نوشاب، سینئر پبلک سیکٹر سپیشلسٹ بابر وسیم اتے کنٹری آپریشنز ہیڈ امیلا سالگادو سودھا ٻئے حکام شرکت کیتی۔ سیکرٹری خزانہ امداد اللہ بوسال، سیکرٹری اقتصادی امور ڈویژن ہمایوں کریم، اے ڈی بی ہیڈکوارٹرز منیلا اچ ایگزیکٹو ڈائریکٹر اتے وزارتِ خزانہ دے سینئر حکام وی ایں موقع تے موجود ہن۔