نیپال اچ تباہ کن مٹی دے تودے ڈہوݨ نال اموات دی تعداد 1344 تھی ڳئی

کھٹمنڈو۔ 05 ستمبر (اے پی پی) نیپال اچ تباہ کن مٹی دے تودے ڈہوݨ دے واقعیاں اچ اموات دی تعداد 1344 تھی ڳئی اے۔ شنہوا دے مطابق نیپال پولیس توں جاری کیتی ڳئی تازہ ترین معلومات دے مطابق چھنچھݨ وار کوں مقامی وقت دے مطابق فجر دے 5 وڄے تئیں 1,344 لاشاں برآمد کیتی ڳئن۔ پولیس ݙسایا جو چھنچھݨ وار دی فجر تائیں 4,898 افراد نال رابطہ نئی تھی سڳیا، ڄݙاں جو ہݨ تائیں 8,631 افراد کوں ریسکیو کیتا ڳئے۔ سکیورٹی ادارے مٹی دے تودیاں توں متاثرہ علاقیاں اچ بھال تے امدادی کارروائیاں جاری رکھیئے ہوئے ہن۔ حکام لاشاں دی سنڄاݨ کیتے ڈی این اے ٹیسٹنگ دے ذریعے کوششاں وی تیز کر ݙتن۔ 1,260 جاں بحق افراد تے انہاں دے 972 لواحقین توں ڈی این اے دے نمونے حاصل کیتے ڳئے ہن، ڄیندے بعد کٹھی کیتیاں ڳئیاں نمونیاں دی مجموعی تعداد 2,232 تھی ڳئی اے۔