اسلام آباد: نیشنل پریس کلب اسلام آباد اچ پی ایف یو جے ورکرز تے پریس کلب دے تعاون نال “میڈیا اکانومی دا بدلدا منظرنامہ تے صحافیاں کوں درپیش چیلنجز” دے موضوع تے ڈائیلاگ فورم

اسلام آباد۔ 06 ستمبر (اے پی پی) اسلام آباد: نیشنل پریس کلب اسلام آباد اچ پی ایف یو جے ورکرز تے پریس کلب دے تعاون نال “میڈیا اکانومی دا بدلدا منظرنامہ تے صحافیاں کوں درپیش چیلنجز” دے موضوع تے ڈائیلاگ فورم منعقد تھیا.سینئر صحافی بلوم پاکستان دے مینیجنگ ایڈیٹر شاہد میتلا آکھیا جو ڈیجیٹل ٹیکنالوجی تے سوشل میڈیا میڈیا اکانومی تے خبر دی ترسیل دا انداز تبدیل کر ݙتے، ہݨ صحافیاں کیتے ڈیجیٹل مہارتاں وی ضروری تھی ڳئیاں ہن۔پی ایف یو جے ورکرز دی صدر ڈاکٹر سعدیہ کمال آکھیا جو میڈیا دی بدلدی معیشت توں صحافیاں دے روزگار تے معاشی تحفظ دے مسائل متاثر تھیندے پئن، ایں کیتے تربیت، معاشی استحکام تے ادارتی آزادی دے تحفظ تے توجہ ݙیوݨی تھیسی۔فورم اچ ڈیجیٹل میڈیا دے ودھدے کردار، آمدن دے متبادل ذرائع تے صحافیاں کوں درپیش معاشی و پیشہ ورانہ چیلنجز تے وی گفتگو کیتی ڳئی۔ مکالمے اچ سینئر صحافی امتیاز وریاہ، ریاض تھہیم، نادر بلوچ، ایوب برمی، طاہر محمود، محمد فیضان، علی نیاز، مزمل عارض، احسان مقصود، ریڈ میڈیا سرکل دی سی او او مقدس سادات چوہدری، جہانزیب چوہدری، منیر احمد زاہد، عالم نور حیدر، عابد اکرم، ایم اے بری، وقار خان، ثمرین عامر، انور حسین، عابد خان، حنیف خٹک، نازیہ آصف، عائشہ ناز، ایمان، عبداللہ تے ٻئے صحافیاں شرکت کیتی.