انڈونیشیا، مارکیٹ اچ ٻھاہ لڳݨ نال 6 ٻالاں سمیت 11 افراد جاں بحق

جکارتہ۔ 07 ستمبر (اے پی پی) انڈونیشیا دے مشرقی علاقے پاپوا اچ مارکیٹ اچ باہِ لڳݨ نال چھی ٻالاں سمیت 11 افراد جاں بحق تھی ڳئن۔ بنگلہ دیش دی نیوز ایجنسی بی ایس ایس دے مطابق مقامی پولیس دے ترجمان ہنری جے منورونگ ݙسایا جو وسطی صوبے پاپوا دے علاقے پنیائی اچ ٻھاہ اتوار تے سنوار دی وچلی رات لڳی تے تیزی نال کئی دکاناں تئیں کھنڈ ڳئی۔ ترجمان بیان اچ آکھیا جو جائے وقوعہ دے معائنے دے دوران اہلکاراں 11 افراد دی لاشاں برآمد کیتیاں ڄنہاں دی موت سڑݨ پاروں تھئی۔ انہاں ݙسایا جو جاں بحق تھیوݨ آلیاں اچ چھی ٻال وی شامل ہن، ڄنہاں دی عمراں ݙو توں نو سال دے درمیان ہن۔ ٻھاہ ترائے گھنٹیاں توں ودھ ویلھے تئیں بھڑکدی رہی اتے فائر ٹرکاں تے واٹر کینن دی مدد دے باوجود 40 دکاناں تے مکانات جل تے تباہ تھی ڳئے۔ حکام ٻھاہ لڳݨ دی وجہ جاݨݨ کیتے تحقیقات کریندے پئن۔