وزارتِ قومی غذائی تحفظ و تحقیق 2 لکھ ٹن کھنݙ برآمد کرݨ دی اجازت ݙے ݙتی

اسلام آباد۔ 15 ستمبر(اے پی پی)وزارتِ قومی غذائی تحفظ و تحقیق 2 لکھ ٹن کھنݙ برآمد کرݨ دی اجازت ݙے ݙتی۔ وفاقی وزیر قومی غذائی تحفظ و تحقیق رانا تنویر حسین دی صدارت اچ شوگر ایڈوائزری بورڈ دا اعلیٰ سطح اجلاس تھئے، ڄیندے اچ سارے صوبیاں، کساناں اتے شوگر ملز ایسوسی ایشن دے نمائندگان شرکت کیتی۔ اجلاس اچ دستیاب اعداد و شمار دا جائزہ گھدا ڳیا، ڄیندے بعد 2 لکھ ٹن کھنݙ برآمد کرݨ دی اجازت ݙے ݙتی ڳئی۔ وفاقی وزیر رانا تنویر حسین آکھیا جو شوگر مل مالکان کساناں کوں کماد دی ویلھے سر ادائیگیاں یقینی بݨاون، کساناں دے مفادات دا تحفظ حکومت دی اولین ترجیح اے۔ انہاں آکھیا جو کھنݙ برآمد کرݨ دا فیصلہ ملکی ضروریات اتے دستیاب ذخائر کوں ݙیہدے ہوئے کیتا ڳیا، شوگر سیکٹر اچ کسان اتے صنعت دے مفادات اچ توازن ضروری اے۔