پاکستان انڈر 19 انگلینڈ کوں 200 رنز توں ہرا تے ون ڈے سیریز جیت گھدی

لندن۔17 ستمبر(اے پی پی)پاکستان انڈر 19 کرکٹ ٹیم دورہ انگلینڈ اچ چار ون ڈے میچاں دی سیریز 3-1 توں جیت ڳھدی اے۔ سیریز دے چوتھے اتے آخری میچ اچ پاکستان انڈر 19 انگلینڈ انڈر 19 کوں 200 رنز توں ہرا ݙتے۔ پاکستان پہلے بیٹنگ کریندے مقررہ اوورز اچ 4 وکٹاں دے نقصان تے 350 رنز ٻݨائے، کپتان فرحان یوسف 80 رنز ٻݨائن۔ عثمان خان اتے جہانگیر بلال 79، 79 رنز جوڑین۔ 351 رنز دے ہدف کیتے انگلینڈ انڈر 19 دی ٹیم 150 رنز تے ڈھیر تھی ڳئی اتے پاکستان میچ 200 رنز توں جیتیا۔ پاکستان ولوں احمد حسین شاندار بولنگ کریندے 3 وکٹاں ڳھدن جیندے نال ہی پاکستان انڈر 19 چار میچاں دی ون ڈے سیریز 3-1 توں جیتی۔