ویمنز انڈر 19 ٹی ٹوئنٹی سہ ملکی سیریز کیتے میچ آفیشلز دا اعلان

فیصل آباد۔17 ستمبر(اے پی پی)فیصل آباد اچ 2 اکتوبر توں شروع تھیوݨ والی پاکستان، بنگلہ دیش اتے سری لنکا دی خواتین انڈر 19 ٹی ٹوئنٹی ترائے ملکی سیریز کیتے میچ آفیشلز دا اعلان کر ݙتا ڳیا۔ پاکستان کرکٹ بورڈ دے مطابق ݙاہ میچاں دی ترائے ملکی سیریز 2 توں 16 اکتوبر تئیں فیصل آباد اچ کھیݙی ویسی، ڄیندے میچز اقبال سٹیڈیم اچ تھیسن۔ آئی سی سی انٹرنیشنل پینل آف امپائرز اچ شامل سلیمہ امتیاز ٹورنامنٹ اچ امپائرنگ کریسن۔ انہاں دے علاوہ عبدالمقیت، ذوالفقار جان، عمران جاوید اتے طارق رشید وی امپائرنگ پینل دا حصہ ہوسن۔ ثانیہ اشرف، عافیہ امین اتے نازیہ نذیر وی ٹورنامنٹ اچ امپائرنگ دیاں ذمہ داریاں نبھیسن۔ سیریز دے پہلے پنج میچاں کیتے بلال خلجی کوں میچ ریفری مقرر کیتا ڳئے، او 2 توں 8 اکتوبر تئیں ذمہ داریاں انجام ݙیسن۔ افتخار احمد آخری چار لیگ میچاں دے علاوہ 16 اکتوبر کوں تھیوݨ والے فائنل اچ میچ ریفری ہوسن۔ ترائے ٹیماں لیگ مرحلے اچ ہک ٻئے دے خلاف کھیݙسن، ڄیندے بعد ٹاپ ݙو ٹیماں 16 اکتوبر کوں فائنل اچ آمݨے سامݨے آسن۔