اسلام آباد۔17 ستمبر(اے پی پی)وفاقی وزیرِ خزانہ تے محصولات سینیٹر محمد اورنگزیب لندن اچ محکمہ برائے کاروبار اتے تجارت اچ برطانیہ دے وزیرِ مملکت برائے تجارت انس سرور نال ملین۔ ملاقات اچ برطانیہ اچ پاکستان دے ہائی کمشنر ٹیپو عثمان اتے وفاقی وزیرِ خزانہ دے مشیر خرم شہزاد وی موجود ہن۔ ݙوہائیں وزراء ایں سال دسمبر اچ شروع تھیوݨ والے پاکستان برطانیہ تجارتی مذاکراتی طریقہ کار دے تحت ٹھوس اتے …
وزیرِ خزانہ محمد اورنگزیب دی برطانیہ دے وزیرِ مملکت برائے تجارت نال ملاقات
اسلام آباد۔17 ستمبر(اے پی پی)وفاقی وزیرِ خزانہ تے محصولات سینیٹر محمد اورنگزیب لندن اچ محکمہ برائے کاروبار اتے تجارت اچ برطانیہ دے وزیرِ مملکت برائے تجارت انس سرور نال ملین۔ ملاقات اچ برطانیہ اچ پاکستان دے ہائی کمشنر ٹیپو عثمان اتے وفاقی وزیرِ خزانہ دے مشیر خرم شہزاد وی موجود ہن۔ ݙوہائیں وزراء ایں سال دسمبر اچ شروع تھیوݨ والے پاکستان برطانیہ تجارتی مذاکراتی طریقہ کار دے تحت ٹھوس اتے قابلِ عمل نتائج حاصل کرݨ دا عزم دوہرائے۔ ملاقات اچ پاکستان اتے برطانیہ وچال موجودہ ݙو طرفہ تجارتی حجم تے وی الایا۔ ݙوہائیں وزراء آئی ٹی، فن ٹیک، مینوفیکچرنگ اتے پیداواری صنعتاں سودھا مختلف شعبیاں اچ کاروبار اتے تجارت دے نویں موقعے ڳولݨ دا عزم دوہرایا۔ انہاں ݙو طرفہ اقتصادی اتے تجارتی تعلقات کوں ٻیا مضبوط بݨاوݨ کیتے انہاں شعبیاں اچ باہمی تعاون ودھاوݨ تے زور ݙتا۔ وفاقی وزیرِ خزانہ آکھیا جو حکومت نجکاری کوں اڳو تے ودھاوݨ کیتے پرعزم اے تاں جو نجی شعبے دی شمولیت ودھائی ونڄ سڳے۔ مسابقت کوں فروغ ݙتا ونڄ سڳے اتے خدمات دی فراہمی دے معیار کوں بہتر ٻݨایا ونڄ سڳے۔
