سپیکر قومی اسمبلی دا خیبر پختونخوا تے بلوچستان اچ بھارتی سرپرستی اچ سرگرم فتنہ الخوارج دے خلاف کامیاب کارروائیاں تے سکیورٹی فورسز کوں خراجِ تحسین

اسلام آباد۔18 ستمبر (اے پی پی) سپیکر قومی اسمبلی سردار ایاز صادق خیبر پختونخوا تے بلوچستان اچ بھارتی سرپرستی اچ سرگرم فتنہ الخوارج دے خلاف کامیاب کارروائیاں تے سکیورٹی فورسز کوں خراجِ تحسین پیش کیتے۔ جمعہ کوں بیان اچ انہاں آکھیا جو فتنہ الخوارج دے خلاف کامیاب کارروائیاں سکیورٹی فورسز دے عزم تے پیشہ ورانہ مہارت دی عکاس ہن۔ سپیکر قومی اسمبلی دہشت گردی دے خلاف کارروائیاں دے دوران شہید تھیوݨ آلے سکیورٹی فورسز دے جواناں کوں خراجِ عقیدت پیش کریندے ہوئیں آکھیا جو سکیورٹی فورسز دہشت گردی دے خلاف جنگ اچ بے مثال قربانیاں پیش کیتن۔ وطن دے دفاع تے امن دے قیام کیتے جاناں دا نذرانہ پیش کرݨ آلے شہداء دی قربانیاں قوم کیتے مشعلِ راہ ہن۔ شہداء دی قربانیاں دہشت گردی دے خلاف قومی عزم تے حوصلے کوں تقویت ݙیندی ہن۔ سکیورٹی فورسز دے بہادر جوان ملک دے امن تے سلامتی کیتے جاناں دا نذرانہ پیش کریندے پئن۔ پوری قوم دہشت گردی دے خلاف جنگ اچ سکیورٹی فورسز دے نال کھڑی اے۔ سپیکر قومی اسمبلی شہداء دے اہل خانہ نال ہمدردی تے تعزیت دا اظہار کیتا تے شہداء دے درجات دی بلندی تے لواحقین کیتے صبرِ جمیل دی دعا کیتی۔