نائب وزیراعظم و وزیرِ خارجہ اسحاق ڈار نال ترک سفیر دی ملاقات، آپسی روابط تے تعاون کوں ٻیاوسعت ݙیوݨ دا عزم

اسلام آباد۔18 ستمبر (اے پی پی) نائب وزیراعظم تے وزیرِ خارجہ محمد اسحاق ڈار ترکیہ دے نال روابط تے تعاون کوں ٻیاوسعت ݙیوݨ دے پاکستان دے عزم دا اعادہ کیتے۔ جمعہ کوں دفترِ خارجہ توں جاری بیان موجب نائب وزیراعظم تے وزیرِ خارجہ سینیٹر محمد اسحاق ڈار نال ترکیہ دے سفیر عرفان نذیراوغلو ملاقات کیتی۔ ترکیہ دے سفیر نائب وزیراعظم و وزیرِ خارجہ کوں پاکستان تے ترکیہ وچال اڄوکی اعلیٰ سطحی روابط دے بعد مختلف شعبیاں اچ تعاون کوں آگوں ودھاوݨ کیتے قائم ݙو پاسہ ادارہ جاتی طریقہ کار دے تحت تھیوݨ آلی پیش رفت دا ݙسیا۔ نائب وزیراعظم و وزیرِ خارجہ ترجیحی شعبیاں اچ ترکیہ دے نال روابط تے تعاون کوں ٻیاگہرا کرݨ کیتے پاکستان دے عزم دا اعادہ کیتا۔ انہاں ݙو پاسہ ایجنڈے کوں آگوں ودھاوݨ کیتے متعلقہ اداریاں کوں ݙوہائیں ممالک وچال آندے مشترکہ کمیشن تے اعلیٰ سطحی سٹریٹجک تعاون کونسل دے آٹھویں اجلاس دی تیاریاں کیتے قریبی رابطہ کاری یقینی بݨاوݨ دی ضرورت تے زور ݙتا۔ انہاں خطے دی بدلدی ہوئی صورتحال تے وی ڳالھ مہاڑ کیتی۔ نائب وزیراعظم تے وزیرِ خارجہ ایں ڳالھ تے زور ݙتا جو مسائل دے حل تے خطے اچ دیرپا امن، استحکام تے خوشحالی دے حصول کیتے مذاکرات تے سفارت کاری ای واحد قابلِ عمل راہ ہن۔