اسلام آباد۔18 ستمبر (اے پی پی) وزیر آباد پریس کلب دے وفد وزارتِ اطلاعات و نشریات دے ڈیجیٹل کمیونیکیشن ڈیپارٹمنٹ (ڈی سی ڈی) دا دورہ کیتا ڄتھاں وفاقی وزیرِ اطلاعات عطاء اللہ تارڑ وفد کوں ڈیجیٹل کمیونیکیشن ڈیپارٹمنٹ دے مختلف شعبیاں، دائرہ کار تے امورِ کار تے تفصیلی بریفنگ ݙتی۔ وفد دے ارکان نال ڳالھ مہاڑ کریندے ہوئیں وفاقی وزیرِ اطلاعات آکھیا جو ڈیجیٹل پلیٹ فارمز عوام تائیں ویلھے سر …
وزیر آباد پریس کلب دے وفد دا وزارتِ اطلاعات دے ڈیجیٹل کمیونیکیشن ڈیپارٹمنٹ دا دورہ، ڈیجیٹل پلیٹ فارمز عوام تائیں ویلھے سر معلومات پڄاوݨ اچ اہم کردار ادا کریندے پئن، عطاء اللہ تارڑ
اسلام آباد۔18 ستمبر (اے پی پی) وزیر آباد پریس کلب دے وفد وزارتِ اطلاعات و نشریات دے ڈیجیٹل کمیونیکیشن ڈیپارٹمنٹ (ڈی سی ڈی) دا دورہ کیتا ڄتھاں وفاقی وزیرِ اطلاعات عطاء اللہ تارڑ وفد کوں ڈیجیٹل کمیونیکیشن ڈیپارٹمنٹ دے مختلف شعبیاں، دائرہ کار تے امورِ کار تے تفصیلی بریفنگ ݙتی۔ وفد دے ارکان نال ڳالھ مہاڑ کریندے ہوئیں وفاقی وزیرِ اطلاعات آکھیا جو ڈیجیٹل پلیٹ فارمز عوام تائیں ویلھے سر معلومات پڄاوݨ تے موثر ابلاغ اچ اہم کردار ادا کریندے پئن۔ انہاں آکھیا جو گمراہ کن مواد، پروپیگنڈے تے منفی مہمات دی مؤثر روک تھام ڈیجیٹل کمیونیکیشن ڈیپارٹمنٹ دی ترجیحات اچ شامل اے۔ انہاں آکھیا جو حکومتی اقدامات تے قومی اہمیت دے امور بارے درست معلومات عوام تائیں پڄاوݨ کیتے ڈیجیٹل ذرائع دا مؤثر استعمال ضروری اے۔ وزیر آباد پریس کلب دے وفد ڈیجیٹل کمیونیکیشن دے شعبے اچ وزارتِ اطلاعات دی سرگرمیاں تے اقدامات کوں قابلِ تحسین قرار ݙتا۔ وفد کوں ڈیجیٹل کمیونیکیشن دے شعبے اچ وزارتِ اطلاعات ولوں کیتے ڳئے مختلف اقدامات تے پیش رفت دا وی ݙسیا ڳئیا۔
