وزیراعظم محمد شہباز شریف خیبر پختونخوا اچ ہنگو تے شمالی وزیرستان دے اضلاع اچ ہندوستان دے حمایت یافتہ فتنۃ الخوارج دے خلاف کامیاب کارروائیاں دے دوران 10 خوارج کوں ہلاک کرݨ تے سکیورٹی فورسز کوں خراجِ تحسین

اسلام آباد۔18 ستمبر (اے پی پی) وزیراعظم محمد شہباز شریف خیبر پختونخوا اچ ہنگو تے شمالی وزیرستان دے اضلاع اچ ہندوستان دے حمایت یافتہ فتنۃ الخوارج دے خلاف کامیاب کارروائیاں دے دوران 10 خوارج کوں ہلاک کرݨ تے سکیورٹی فورسز کوں خراجِ تحسین پیش کیتے۔ جمعہ کوں وزیراعظم آفس دے میڈیا ونگ توں جاری بیان موجب وزیراعظم فتنۃ الخوارج دے دہشت گردی دے خلاف بہادری نال لڑدے ہوئیں جامِ شہادت نوش کرݨ آلے 6 جواناں کوں زبردست خراجِ عقیدت پیش کریندیں ہوئیں شہداء دے اہل خانہ نال دلی ہمدردی تے تعزیت دا اظہار کیتا۔ وزیراعظم آکھیا جو وطنِ عزیز دے دفاع، امن تے سلامتی کیتے آپݨی جاناں دا نذرانہ پیش کرݨ آلے اساݙے بہادر سپوت پوری قوم دے ہیرو ہن۔ شہداء دی عظیم قربانیاں قوم کیتے مشعلِ راہ ہن تے انہاں دا لہو رائیگاں نہ ویسے۔ انہاں آکھیا جو “عزمِ استحکام” دے تحت دہشت گردی دے مکمل خاتمے کیتے سکیورٹی فورسز تے قانون نافذ کرݨ آلے اداریاں دی کارروائیاں پوری قوت نال جاری رہسن۔