الیکشن کمیشن قومی اسمبلی دے حلقے این اے 77 گوجرانوالہ اچ ضمنی انتخاب دا شیڈول جاری کرݙتا، پولنگ 8 نومبر کوں تھیسی

اسلام آباد۔18 ستمبر (اے پی پی) الیکشن کمیشن قومی اسمبلی دے حلقے این اے 77 گوجرانوالہ اچ ضمنی انتخاب دا شیڈول جاری کر ݙتا، پولنگ 8 نومبر کوں ہوسی۔ الیکشن کمیشن توں جاری شیڈول موجب ایں حلقے اچ کاغذاتِ نامزدگی 28 توں 30 ستمبر تئیں جمع کروائے ونڄ سڳسن۔ امیدواراں دی ابتدائی فہرست یکم اکتوبر کوں جاری تھیسی جنہاں دی جانچ پڑتال 5 اکتوبر تئیں تھیسی۔ ریٹرننگ افسر دی طرفوں کاغذاتِ نامزدگی دی منظوری یا مسترد کیتے ونڄݨ دے خلاف اپیلاں 9 اکتوبر تئیں جݙاں جو انہاں کوں اپیلٹ ٹربیونل دی طرفوں 15 اکتوبر تئیں نبیڑیا ویسے۔ نظرثانی شدہ فہرست 16 اکتوبر کوں جاری تھیسی۔ کاغذاتِ نامزدگی 17 اکتوبر کوں واپس ڳھدے ونڄ سڳسن جݙاں جو امیدواراں کوں انتخابی نشانات 18 اکتوبر کوں الاٹ کیتے ویسن۔ پولنگ 8 نومبر کوں تھیسی۔ اے نشست مسلم لیگ ن دے رکن محمود بشیر ورک دی وفات نال خالی تھئی اے۔ الیکشن کمیشن ایں حلقے اچ ضمنی انتخاب کیتے ضابطہ اخلاق وی جاری کر ݙتے جیندے تحت ترقیاتی سکیمیاں دے اعلانات تے پابندی ہوسی، تقرر تے تبادلے تے وی پابندی لا ݙتی ڳئی اے۔