اسلام آباد۔18 ستمبر (اے پی پی) نائب وزیرِاعظم تے وزیرِ خارجہ سینیٹر اسحاق ڈار ہدایت کیتی اے جو صوبیں کوں انہاں دی لوڑھ موجب کݨک ݙیوݨ یقینی بݨایا ونڄے۔ نائب وزیراعظم دے دفتر توں جاری بیان موجب اسحاق ڈار دی زیرِ صدارت کݨک دی درآمد تے سٹیئرنگ کمیٹی دا اجلاس تھیا۔ اجلاس اچ قیمتاں دے استحکام کیتے کݨک دی درآمد دے عمل دا جائزہ ڳھدا ڳیا۔ انہاں ٹی سی پی …
صوبیں کوں انہاں دی لوڑھ موجب کݨک ݙیوݨ یقینی بݨایا ونڄے ، نائب وزیراعظم سینیٹر محمد اسحاق ڈار
مزید خبراں
اسلام آباد۔18 ستمبر (اے پی پی) نائب وزیرِاعظم تے وزیرِ خارجہ سینیٹر اسحاق ڈار ہدایت کیتی اے جو صوبیں کوں انہاں دی لوڑھ موجب کݨک ݙیوݨ یقینی بݨایا ونڄے۔ نائب وزیراعظم دے دفتر توں جاری بیان موجب اسحاق ڈار دی زیرِ صدارت کݨک دی درآمد تے سٹیئرنگ کمیٹی دا اجلاس تھیا۔ اجلاس اچ قیمتاں دے استحکام کیتے کݨک دی درآمد دے عمل دا جائزہ ڳھدا ڳیا۔ انہاں ٹی سی پی کوں ہدایت کیتی جو صوبیں کوں انہاں دی لوڑھ موجب کݨک ݙیوݨ یقینی بݨایا ونڄے۔ انہاں پاسکو کوں وی ہدایت کیتی جو صوبیں کوں اپݨے سٹاک توں انہاں دی طے شدہ مقدار دے موجب کݨک ݙیوݨ یقینی بݨاون۔ اجلاس اچ وزیرِ قومی غذائی تحفظ، وزیرِ اقتصادی امور، وزیراعظم دے خصوصی مشیر طارق باجوہ، اسٹیٹ بینک دے ڈپٹی گورنر، سیکرٹری قومی فوڈ سکیورٹی، سیکرٹری تجارت تے ایڈیشنل سیکرٹری پنجاب و سندھ دے علاوہ آزاد کشمیر، جی بی تے اسلام آباد نال متعلقہ شعبیں دے اعلیٰ حکام شرکت کیتی۔
