سلطان العاشقین عظیم صوفی شاعر بزرگ حضرت خواجہ غلام فرید رح دا 129واں 3 ݙینھ وارعرس

کوٹ مٹھن۔20 ستمبر (اے پی پی) سلطان العاشقین عظیم صوفی شاعر بزرگ حضرت خواجہ غلام فرید رح دے 129ویں 3 ݙینھ وار عرس دا شروع تھی ڳئے۔ سجادہ نشین دربارِ فرید خواجہ عامر فرید کوریجہ سئیں، ولی عہد خواجہ عزیرعامر کوریجہ تے خواجہ عمیرعامر کوریجہ خاندانِ فرید دے رلے مزار کوں عرقِ گلاب نال غسل ݙے تے عرس دا آغاز کیتا۔ غسل دی تقریب اچ ڈپٹی کمشنر راجن پورعمران حسین رانجھا تے ڈی پی او راجن پورمحمد عمران بیگ وی شرکت کیتی تے مزار کوں غسل ݙتا۔ غسل دی تقریب اچ محکمہ اوقاف دے افسراں وی شرکت کیتی تے مزار کوں غسل ݙتا۔ عرس دی تقریبات 3 ݙینھ تئیں جاری رہسن ۔تریجھے تے چھیکڑی ݙینھ اختتامی دعا سجادہ نشین خواجہ عامر فرید کوریجہ کریسن۔ کوٹ مٹھݨ اچ زائرین دی وݙی تعداد پڄدی پئی اے۔ جتھاں عرس دے موقع تے سکیورٹی دے فول پروف انتظامات کیتے ڳئن۔