ایشین گیمز: پاکستان ہاکی ٹیم دا ایونٹ اچ شاندار آغاز، تھائی لینڈ کوں 0-9 نال ہرا ݙتے

ٹوکیو۔21 ستمبر(اے پی پی)جاپان دے شہر ایچی نوگویا اچ جاری ایشین گیمز 2026 دے ہاکی مقابلیاں اچ پاکستان فاتحانہ شروعات کریندے تھائی لینڈ کوں 0-9 نال ہرا ݙتے۔ گروپ بی دے میچ اچ قومی ٹیم جارحانہ کھیݙدے ہوئے جیت اپݨے ناویں کیتی۔ پاکستانی کھلاڑیاں 9 گول کیتن۔ تھائی لینڈ دی ٹیم کوئی گول نہ کر سڳی۔ ایں کامیابی نال پاکستان گروپ بی اچ اپݨی مہم دا فاتحانہ آغاز کر ݙتے۔ گروپ اچ پاکستان دے علاوہ ملائیشیا، چین، عمان، ازبکستان اتے تھائی لینڈ دیاں ٹیماں شامل ہن۔ پاکستان اپݨا اگلا میچ 22 ستمبر کوں ازبکستان نال کھیݙسی۔ قومی ٹیم 24 ستمبر کوں چین، 26 ستمبر کوں ملائیشیا اتے 28 ستمبر کوں عمان نال کھیݙسی۔ ایشین گیمز 2026 دے ہاکی مقابلے جاپان اچ جاری ہین، جتھاں پاکستان دیاں نظراں گروپ مرحلے اچ چنڳی کارکردگی دا سلسلہ برقرار رکھیندے اگلے مرحلے اچ ڄاہ ٻݨاوݨ تے ہین۔