وزیرِ خزانہ دی کوپ 31 ایکشن ایجنڈے دی حمایت، موسمیاتی منصوبیاں تے موثر عملدرآمد دی لوڑھ اے، سینیٹر محمد اورنگزیب

نیویارک۔22 ستمبر(اے پی پی)وفاقی وزیر برائے خزانہ و محصولات سینیٹر محمد اورنگزیب کوپ 31 ایکشن ایجنڈے کیتے پاکستان دی حمایت دا اعلان کریندے آکھیے جو بنیادی چیلنج موسمیاتی منصوبیاں دی تشکیل نئیں ٻھل انہاں تے موثر عملدرآمد اے۔ وزیرِ خزانہ اے ڳالھ کوپ 31 دے إجراء ویلھے کیتی۔ انہاں آکھیا جو اے ایجنڈا پاکستان دی قومی موسمیاتی ترجیحات تے قومی سطح تے متعین کردہ شراکت این ڈی سی تھری دے مطابق اے۔ سینیٹر محمد اورنگزیب موسمیاتی تبدیلیاں توں پاکستان دی شدید حساسیت کوں اڳونہا کریندے صاف توانائی اتے بجلی دے استعمال اچ توسیع، قابلِ تجدید توانائی دے ودھارے، توانائی دے موثر استعمال تے مبنی عمارتاں، موسمیاتی تبدیلیاں توں محفوظ شہراں، موسمیاتی تعلیم و عوامی آگاہی، غذائی تحفظ تے موسمیاتی لحاظ نال مضبوط زراعت کوں مشترکہ ترجیحات قرار ݙتا۔ وزیرِ خزانہ این ڈی سی دے وعدیاں کوں قابلِ سرمایہ کاری اتے قابلِ مالی معاونت منصوبیاں اچ تبدیل کرݨ کیتے مجوزہ کلائمیٹ امپلیمنٹیشن برج دا خیرمقدم کیتا۔ انہاں ایکشن ایجنڈے اچ واضح عملی اقدامات اتے کارکردگی دے کلیدی اشاریاں کوں سراہندے ایکوں عملی، نتائج تے مبنی اتے قابلِ پیمائش اثرات تے مرکوز قرار ݙتا۔