پاک روس مشترکہ مشقاں ’’دروژبا-9‘‘ اتے پاک عمان مشقاں ”وشق الجبل-2‘‘ شروع، آئی ایس پی آر

راولپنڈی۔22 ستمبر(اے پی پی)پاکستان اتے روس دیاں ناویں مشترکہ فوجی مشقاں ’’دروژبا-9‘‘ اتے پاکستان اتے عمان دیاں ݙوجھیاں مشترکہ مشقاں ”وشق الجبل-2‘‘ (ماؤنٹین لنکس-II) دا باقاعدہ آغاز تھی ڳئے۔ پاک فوج دے شعبہ تعلقاتِ عامہ (آئی ایس پی آر) دے مطابق پاک روس مشقاں چراٹ ڄݙاں جو پاک عمان مشترکہ مشقاں نیشنل کاؤنٹر ٹیررازم سینٹر (این سی ٹی سی) پبی اچ شروع ہین۔ ݙو ہفتیاں تک جاری راہوݨ والیاں انہاں کثیرالملکی مشقاں اچ پاک فوج، روسی فوج اتے رائل آرمی آف عمان دے خصوصی دستے شریک ہن۔ مشقاں دا بنیادی مقصد فیلڈ اتے آپریشنل تجربات دا باہمی تبادلہ، انسدادِ دہشتگردی دیاں پیشہ ورانہ ڈرلز اتے طریقہ کار کوں ٻیا نکھارݨ اتے باہمی ہم آہنگی و تعاون ودھاوݨ اے۔

آئی ایس پی آر موجب مشترکہ تربیت اتے پیشہ ورانہ مہارتاں دے تبادلے توں شریک افواج اپݨیاں جنگی اتے ٹیکٹیکل صلاحیتوں ٻیا مضبوط بݨیسن ڄیندے نال دوست ملکاں نال پاکستان دے ݙو طرفہ دفاعی تعلقات ٻئے ودھسن۔