اسلام آباد۔22 ستمبر(اے پی پی)پاکستان، ترکیہ، سعودی عرب، مصر، قطر، اردن، متحدہ عرب امارات تے انڈونیشیا غزہ اچ جاری انسانی بحران تے ݙاݙھا چنتا کیتے اتے اسرائیل تے زور ݙتے جو او جامع پلان دے پہلے مرحلے دے تحت اپݨیاں زیرِ التواء ذمہ داریاں فوری طور تے پوریاں کرے، انسانی امداد اتے ابتدائی بحالی دا سامان محفوظ اتے بلا رکاوٹ غزہ پچایا ونڄے اتے اہم بنیادی ڈھانچے دی بحالی اچ …
پاکستان، ترکیہ، سعودی عرب، مصر، قطر، اردن، متحدہ عرب امارات تے انڈونیشیا دا غزہ اچ جاری انسانی بحران تے چنتا
مزید خبراں
اسلام آباد۔22 ستمبر(اے پی پی)پاکستان، ترکیہ، سعودی عرب، مصر، قطر، اردن، متحدہ عرب امارات تے انڈونیشیا غزہ اچ جاری انسانی بحران تے ݙاݙھا چنتا کیتے اتے اسرائیل تے زور ݙتے جو او جامع پلان دے پہلے مرحلے دے تحت اپݨیاں زیرِ التواء ذمہ داریاں فوری طور تے پوریاں کرے، انسانی امداد اتے ابتدائی بحالی دا سامان محفوظ اتے بلا رکاوٹ غزہ پچایا ونڄے اتے اہم بنیادی ڈھانچے دی بحالی اچ سہولت ݙیوے۔ پاکستان، مصر، ترکیہ، انڈونیشیا، اردن، قطر، سعودی عرب تے متحدہ عرب امارات دے وزرائے خارجہ نیویارک اچ اقوامِ متحدہ دی جنرل اسمبلی دے 81ویں اجلاس دے موقع تے ملاقات کیتی۔ وزرائے خارجہ غزہ اچ جاری انسانی مصائب تے چنتا کریندے جنگ بندی برقرار رکھݨ اتے ساریاں خلاف ورزیاں مکاوݨ کوں لازمی قرار ݙتے۔ وزرائے خارجہ زور ݙتا جو روڈ میپ جامع منصوبے دا ہک لازمی حصہ اے اتے ایںدے ݙوجھے مرحلے کوں اڳو تے ودھاوݨ کیتے عملدرآمد دا فریم ورک ݙیندے ڄیندے اچ مکمل اسرائیلی انخلاء دے نال غیر مسلح کرݨ، بین الاقوامی استحکام فورس (آئی ایس ایف) دی تعیناتی، غزہ دے انتظام کیتے قومی کمیٹی (این سی اے جی) ولوں پورے غزہ دی پٹی اچ اپݨیاں ذمہ داریاں سنبھالݨ اتے پورے غزہ اچ ابتدائی بحالی تے تعمیرِ نو دا آغاز شامل اے۔ انہاں فریقین کوں آکھیے جو او نیک نیتی نال ٻگیر چرک کیتے اپݨیاں ذمہ داریاں نبھاوے۔ وزرائے خارجہ غیر قانونی اسرائیلی وستیاں دی سرگرمیاں دے ردِ عمل اچ برطانیہ ولوں حالیہ اقدامات، نیز وسیع تر قومی تے یورپی کوششاں دا خیرمقدم کیتا ڄنہاں اچ غیر قانونی اسرائیلی وستیاں نال تجارت روکݨ دے اقدامات شامل ہن۔ انہاں زور ݙتا جو غزہ فلسطینی سرزمین دا لازمی حصہ برقرار راہوݨا چاہیدے اتے جامع منصوبے تے عملدرآمد توں مغربی کنارے بشمول مشرقی یروشلم اتے غزہ دی پٹی دے ولا اتحاد اچ مدد ملݨی چاہیدی اے۔
