وفاقی وزیرِ اطلاعات عطاء اللہ تارڑ ریڈیو پاکستان پشاور دی جدید ترین نویں بحال شدہ عمارت دا افتتاح کر ݙتے

پشاور۔22 ستمبر(اے پی پی)وفاقی وزیرِ اطلاعات و نشریات عطاء اللہ تارڑ منگل کوں ریڈیو پاکستان پشاور دی جدید ترین نویں بحال شدہ عمارت دا افتتاح کر ݙتے اتے آکھیے جو 10 مئی 2023ء کوں پی ٹی آئی کارکناں ولوں عمارت کوں ٻھا لاوݨ دے بعد بحالی دا اے منصوبہ 10 کروڑ روپے نال مکمل تھئے۔ انہاں آکھیے جو خیبر پختونخوا بہادر لوکاں دی زمین اے، کوہاٹ دھماکے دے زخمی ول عزمد وہرائے جو او دہشتگرداں دا مقابلہ کرݨ کیتے تیار اے، ہک شہید دی ما اپݨے پتر تے ماݨ کیتے جو اے قابل تحسین جذبہ اے۔ وزیرِ اطلاعات آکھیے جو خیبر پختونخوا اچ پی ٹی آئی دی 13 سال اتے چھی مہینے دی حکومت اچ ہک ترقیاتی کم نئیں تھیا، صوبہ ہتھو پچھوہاں تھئے، مسلم لیگ ن عوام دی خوشحالی ڄݙاں جو پی ٹی آئی فساد اتے تباہی تے یقین رکھدی اے۔ انہاں آکھیا جو ریڈیو پاکستان پشاور تے حملہ کے پی کے دے لوکاں کوں قابلِ اعتماد معلومات اتے معیاری تفریح توں محروم کرݨ سانڳے کیتا ڳیا ہا، 9 مئی دے افسوسناک واقعات پی ٹی آئی دے ’’ناپاک عزائم‘‘ کوں بے نقاب کیتے، پاکستان دے عوام اینڄھے عناصر کوں سنڄاݨ چکین۔ عطاء اللہ تارڑ آکھیا جو پی ٹی آئی حکومت دہشت گردی دا مقابلہ کرݨ کیتے این ایف سی دے تحت ارباں روپے دے فنڈز دے باوجود پشاور اچ کاؤنٹر ٹیررازم ڈیپارٹمنٹ (سی ٹی ڈی) اتے پولیس کوں مضبوط بݨاوݨ اتے فرانزک لیبارٹری قائم کرݨ اچ ناکام رہی اے اتے اے کالعدم تحریکِ طالبان پاکستان (ٹی ٹی پی) دا مقابلہ کرݨ توں ݙردن، وفاقی حکومت خیبر پختونخوا توں چھیکڑی دہشت گرد کوں مکاوݨ تئیں اے جنگ جاری رکھسی۔ انہاں ساڑی ڳئی چاغی پہاڑ دی یادگار ولا تعمیر کرݨ دا اعلان کیتے۔ انہاں آکھیا جو بانی پی ٹی آئی دے  مقدمات دا فیصلہ صرف عدالتاں ہی کریسن، احتجاج دی اݙ اچ کہیں کوں وی اسلام آباد اچ امن و امان خراب کرݨ دی اجازت نہ ݙتی ویسی۔ وفاقی وزیر عطاء الله تارڑ نو مرمت شدہ ریڈیو پاکستان دی عمارت دے مختلف شعبیاں بشمول ایںدے میوزیم دا دورہ کیتا اتے بحالی دے کام دے معیار کوں سراہیا۔ ایں موقع تے ڈائریکٹر جنرل پی بی سی سعید احمد شیخ عمارت اتے ریڈیو پاکستان پشاور دے کردار اتے کارکردگی تے بریفنگ ݙتی۔