نیویارک۔25 ستمبر(اے پی پی) نائب وزیراعظم و وزیرِ خارجہ سینیٹر اسحاق ڈار، سعودی وزیرِ خارجہ شہزادہ فیصل بن فرحان بن عبداللہ تے جمہوریہ ترکیہ دے وزیرِ خارجہ حاقان فیدان گزریل ݙینھ نیویارک اچ اقوامِ متحدہ دی جنرل اسمبلی دے موقع تے مکہ مشترکہ دفاعی معاہدے (ایم جے ڈی اے) دے فریم ورک دے تحت ملاقات کیتی۔ترجمان دفترِ خارجہ جاری بیان موجب ملاقات اچ وزراء معاہدے دے تحت جنرل سیکرٹریٹ، کمیٹیاں …
مکہ مشترکہ دفاعی معاہدے دے وزرائے خارجہ دی اقوامِ متحدہ جنرل اسمبلی دے موقع تے ملاقات، معاہدے دے تحت جنرل سیکرٹریٹ، کمیٹیاں تے ورکنگ گروپس دے قیام دے پاسے پیش رفت دا جائزہ
مزید خبراں
نیویارک۔25 ستمبر(اے پی پی) نائب وزیراعظم و وزیرِ خارجہ سینیٹر اسحاق ڈار، سعودی وزیرِ خارجہ شہزادہ فیصل بن فرحان بن عبداللہ تے جمہوریہ ترکیہ دے وزیرِ خارجہ حاقان فیدان گزریل ݙینھ نیویارک اچ اقوامِ متحدہ دی جنرل اسمبلی دے موقع تے مکہ مشترکہ دفاعی معاہدے (ایم جے ڈی اے) دے فریم ورک دے تحت ملاقات کیتی۔ترجمان دفترِ خارجہ جاری بیان موجب ملاقات اچ وزراء معاہدے دے تحت جنرل سیکرٹریٹ، کمیٹیاں تے ورکنگ گروپس دے قیام دے پاسے پیش رفت نیز انہاں دے کم دے آغاز دیاں تیاریاں دا جائزہ ڳھدا۔ وزراء مقدس شہر مکہ تے مملکتِ سعودی عرب اچ شہری و اقتصادی تنصیبات کوں نشانہ بݨاوݨ کیتے گھناؤنے حملیں دی شدید ترین الفاظ اچ مذمت کیتی۔ انہاں سعودی مسلح افواج دی مستعدی تے مملکت دی سکیورٹی دے تحفظ دی صلاحیت دی تعریف کیتی۔ انہاں اقوامِ متحدہ دے چارٹر دے آرٹیکل 51 موجب مملکت دے اپݨی سلامتی دے دفاع کیتے مناسب سمجھیے ونڄݨ آلے اقدامات کرݨ دے حق دا اعادہ کیتا۔وزراء ترائی ملکاں دے چیفس آف سٹاف دے فوری اجلاس سݙاوݨ دے منصوبیں تے وی ڳالھ کیتی تاں جو مکہ مشترکہ دفاعی معاہدے دے تحت مملکت دی معاونت دے طریقیں دا جائزہ ڳھدا ونڄ سڳے جیندے اچ آکھیا ڳئے جو کہیں ہک فریق تے حملہ سارے فریقین تے حملہ تصور کیتا ویسے۔ وزراء خطے دی موجودہ صورتحال تے مزید ڳالھ مہاڑ کیتی تے بین الاقوامی قانون دے اصولاں، چنڳی ہمسائیگی، ریاستاں دی خودمختاری دے سانجھے احترام، انہاں دے داخلی امور اچ عدم مداخلت تے جہاز رانی دی سلامتی و آزادی کوں یقینی بݨاوݨ دی اہمیت تے زورݙتا۔ انہاں خطے اچ پائیدار امن و استحکام کیتے رل تے کم کرݨ، کشیدگی گھٹاوݨ ݨ دیاں کوششاں دی حمایت تے بحراناں دے پرامن حل دی حوصلہ افزائی دے اپݨے عزم دا اعادہ کیتا۔
