اسلام آباد۔27 ستمبر(اے پی پی)وزیراعظم محمد شہباز شریف بلوچستان اچ بھارتی سرپرستی اچ سرگرم فتنۃ الخوارج تے فتنۃ الہندوستان دے دہشت گرداں دے خلاف کامیاب کارروائیاں تے سکیورٹی فورسز کوں خراجِ تحسین پیش کریندے آکھیے جو گزریل 96 گھنٹے دے دوران بلوچستان دے مختلف علاقیں اچ 71 توں ودھ دہشت گرداں دی ہلاکت سکیورٹی فورسز دی پیشہ ورانہ مہارت تے بہادری دا منہ ٻولیندا ثبوت اے۔ اتوار کوں وزیراعظم دفتر …
وزیراعظم محمد شہباز شریف دا بلوچستان اچ دہشت گرداں دے خلاف کامیاب کارروائیاں تے سکیورٹی فورسز کوں خراجِ تحسین
مزید خبراں
اسلام آباد۔27 ستمبر(اے پی پی)وزیراعظم محمد شہباز شریف بلوچستان اچ بھارتی سرپرستی اچ سرگرم فتنۃ الخوارج تے فتنۃ الہندوستان دے دہشت گرداں دے خلاف کامیاب کارروائیاں تے سکیورٹی فورسز کوں خراجِ تحسین پیش کریندے آکھیے جو گزریل 96 گھنٹے دے دوران بلوچستان دے مختلف علاقیں اچ 71 توں ودھ دہشت گرداں دی ہلاکت سکیورٹی فورسز دی پیشہ ورانہ مہارت تے بہادری دا منہ ٻولیندا ثبوت اے۔ اتوار کوں وزیراعظم دفتر دے میڈیا ونگ توں جاری بیان موجب وزیراعظم آکھیا جو سکیورٹی فورسز دہشت گرداں ٻہوں سارے ٹھکاݨیں کوں کلیئر کرتے مقامی آبادی کوں فتنۃ الخوارج تے فتنۃ الہندوستان دے خطرے توں نجات ݙیوائی، دہشت گردی دے خلاف جنگ اچ پوری قوم اپݨی بہادر سکیورٹی فورسز دے نال کھڑی اے۔ وزیراعظم آکھیا جو پاکستان دی سرزمین توں غیر ملکی سرپرستی تے معاونت نال تھیوݨ آلی دہشت گردی دا مکمل خاتمہ اساݙا عزم اے، عزمِ استحکام دے تحت دہشت گردی دے خلاف کارروائیاں پوری قوت تے عزم دے نال جاری رکھیاں ویسن۔
