پاکستان ہاکی ٹیم عمان کوں ہرا تے سیمی فائنل اچ پڄ ڳئی

لاہور۔28 ستمبر(اے پی پی)پاکستان ہاکی ٹیم 20ویں ایشین گیمز آئیچی ناگویا 2026ء دے مینز ہاکی ایونٹ دے پول بی دے اہم میچ اچ عمان کوں 2 دے مقابلے اچ 7 گول توں ہرا تے سیمی فائنل اچ پڄ ڳئے۔ پاکستان دے کھڈاریاں شاندار فیلڈ گولز تے پینلٹی کارنرز کوں گولز اچ وٹیندے میچ تے اپݨی پکڑی تکڑی رکھی۔ پاکستان ولوں رانا وحید اشرف شاندار ہیٹ ٹرک سکور کیتی۔ انہاں 34ویں، 44ویں اتے 59ویں منٹ اچ گول کیتن، سفیان خان 22ویں اتے 28ویں منٹ اچ پینلٹی کارنرز تے 2 گول کیتن۔ غضنفر علی 40ویں منٹ اچ، محمد عماد 46ویں منٹ اچ ہک ہک گول سکور کیتا۔ عمان ولوں البرا النوفلی 28ویں اتے مدیت ایمن 36ویں منٹ اچ ہک ہک گول کیتے۔