اسلام آباد۔30 ستمبر(اے پی پی) نائب وزیراعظم و وزیرِ خارجہ سینیٹر محمد اسحاق ڈار آکھیے جو ایس سی او دے مشترکہ ویژن کوں عملی تعاون تے ٹھوس نتیجے اچ بدالݨ دی لوڑھ اے۔ ترجمان دفترِ خارجہ توں جاری بیان موجب وزارتِ خارجہ اسلام آباد اچ ایس سی او رکن ملکاں دے نیشنل کوآرڈینیٹرز دے نال نال ایس سی او سیکرٹریٹ تے ایس سی او آر اے ٹی ایس دے سینئر …
ایس سی او دے مشترکہ ویژن کوں عملی تعاون تے ٹھوس نتیجے اچ بدالݨ دی لوڑھ اے، اسحاق ڈار
مزید خبراں
اسلام آباد۔30 ستمبر(اے پی پی) نائب وزیراعظم و وزیرِ خارجہ سینیٹر محمد اسحاق ڈار آکھیے جو ایس سی او دے مشترکہ ویژن کوں عملی تعاون تے ٹھوس نتیجے اچ بدالݨ دی لوڑھ اے۔ ترجمان دفترِ خارجہ توں جاری بیان موجب وزارتِ خارجہ اسلام آباد اچ ایس سی او رکن ملکاں دے نیشنل کوآرڈینیٹرز دے نال نال ایس سی او سیکرٹریٹ تے ایس سی او آر اے ٹی ایس دے سینئر نمائندیں نال خطاب کیتا۔ پاکستان دی صدارت اچ نیشنل کوآرڈینیٹرز کونسل دے پہلے اجلاس اچ نیشنل کوآرڈینیٹرز دا خیرمقدم کریندے نائب وزیراعظم و وزیرِ خارجہ اسحاق ڈار پاکستان دے ہک کھلے، جامع تے تعمیری صدارتی عزم دا اعادہ کیتا، جیڑھا سانجھے اعتماد، سانجھے مفاد، مساوات، مشاورت تے مشترکہ ترقی دے “شنگھائی اسپرٹ” تے مبنی اے۔ انہاں پاکستان دی صدارت دے موضوع ”ویژن کوں عمل اچ تبدیل کرݨا، کنیکٹیویٹی، جدت تے مشترکہ خوشحالی“ کوں اجاگر کیتا تے ایں ڳالھ تے زور ݙتا جو ایس سی او دے مشترکہ ویژن کوں عملی تعاون تے ٹھوس نتیجے اچ تبدیل کیتا ونڄے۔ انہاں 2027ء اچ اسلام آباد اچ ایس سی او کونسل آف ہیڈز آف اسٹیٹ دی میزبانی دی تیاریاں دا وی ذکر کیتا تے کامیاب صدارت کوں یقینی بݨاوݨ کیتے رکن ملکاں وچال نیڑے رابطے دی لوڑھ زور ݙتا۔
