ایشین گیمز والی بال: پاکستان بھارت کوں ہرا تے سیمی فائنل اچ پڄ ڳیا

ناگویا۔1 اکتوبر(اے پی پی)ایشین گیمز دے مینز والی بال ایونٹ اچ پاکستان بھارت کوں ہرا تے سیمی فائنل اچ پُڄ ڳئے۔ جاپان اچ جاری ایشین گیمز دے والی بال ایونٹ اچ پاکستان کوارٹر فائنل اچ بھارت کوں 0-3 نال ہرائے۔ پاکستان بھارت دے خلاف پہلا سیٹ 25-19 نال جیتئے۔ ٻئے سیٹ اچ پاکستان بھارت کوں 25-23 نال ہرائے، پاکستان تریڄھا سیٹ 25-18 نال جیت تے میچ اپݨے ناویں کر ڳھدے۔ مجموعی طور تے 75 اتے بھارت 60 پوائنٹس ڳھدن ڄݙاں جو پاکستان اسپائکس تے 50 پوائنٹس حاصل کیتن، بھارت اسپائکس تے 33 پوائنٹس گھن سڳیا، پاکستان بلاکس دے ذریعے 6 ڄݙاں جو بھارت 4 پوائنٹس حاصل کیتے۔ پاکستان ولوں مراد خان 22 پوائنٹس نال نمایاں رہین۔ پاکستان دے مصور خان 7، حماد 8 اتے عثمان فریاد 9 پوائنٹس حاصل کیتے۔