ایشین گیمز پہلا سیمی فائنل: پاکستان بنگلادیش کوں 6 وکٹاں نال ہرا ݙتا

نشین۔1 اکتوبر (اے پی پی)ایشین گیمز 2026ء دے کرکٹ ایونٹ دے پہلے سیمی فائنل اچ پاکستان بنگلادیش کوں 6 وکٹاں توں ہرا تے فائنل اچ پہنچ ڳئے۔ جاپان دے شہر نشین اچ ایشین گیمز دے پہلے سیمی فائنل اچ پاکستان دے کپتان صاحبزادہ فرحان ٹاس جیت تے بنگلہ دیش کوں پہلے بیٹنگ دی دعوت ݙتی، بارش پاروں میچ اچ ہر اننگز اچ 13 اوورز رکھیے ڳئن۔ بنگلہ دیش کرکٹ ٹیم مقررہ 13 اوورز اچ 7 وکٹاں تے 111 رنز بݨائے، توحید ہردوئی 42 رنز ٻݨا تے اڳو رہین۔ پاکستان دے سفیان مقیم 3 اتے عرفات منہاس 2 وکٹاں ڳھدن۔ ولدے اچ پاکستان 112 رنز دا ہدف 4 وکٹاں دے نقصان تے پورا کر ڳھدے۔ عبد الصمد 15 گینداں تے 30 رنز بݨا تے ناٹ آؤٹ رہے، حسن نواز 22 گینداں تے 27 رنز دی اننگز کھیڈی، صائم ایوب 12 گینداں تے 21 رنز بݨائے۔ ایشین گیمز اچ کرکٹ ایونٹ دا فائنل میچ 3 اکتوبر کوں کھیڈیا ویسی۔