دورۂ پاکستان کیتے انگلش سکواڈ دا اعلان، ہیری بروک کپتان مقرر

شلندن۔1 اکتوبر (اے پی پی)انگلینڈ پاکستان دے دورے کیتے 16 رکنی ون ڈے اسکواڈ دا اعلان کر ݙتے۔ آئی سی سی میڈیا دے مطابق جارح مزاج بلے باز ہیری بروک ایں دورے اچ انگلینڈ ٹیم دے کپتان ہوسن۔ انگلینڈ دے اسکواڈ اچ تجربہ کار جو روٹ، ٹام بینٹن، جیمز کولز، گس ایٹکنسن، سونی بیکر، جارڈن کوکس، میسن کرین اتے ہینری کوروکومبے وی شامل ہن۔ سیم کرن، لیام ڈاؤسن، بین ڈکٹ، ول جیکس، جیمی اوورٹن، عادل رشید اتے جوش ٹونگ وی انگلینڈ اسکواڈ دا حصہ ہن۔ انگلینڈ دے دورۂ پاکستان اچ سہ ملکی ون ڈے سیریز 18 توں 31 اکتوبر تئیں کھیڈی ویسی۔ میزبان پاکستان اتے انگلینڈ دے علاوہ تریڄھی ٹیم سری لنکا اے۔