ضلع ملتان اچ ریسکیو 1122 گزریل 24 گھنٹے اچ 446 لوکاں کوں ریسکیو کیتے، ترجمان

ملتان۔ 2 اکتوبر(اے پی پی) ریسکیو 1122 گزریل 24 گھنٹے اچ ضلع ملتان اچ 442 ایمرجنسیز اچ مجموعی طور تے 446 لوکاں کوں ریسکیو کیتا ڳئے۔ ترجمان ریسکیو 1122 موجب گزریل چووی گھنٹے اچ ملتان شہر اچ 415، شجاع آباد اچ 18 تے جلال پور پیروالا اچ نو ایمرجنسیز پیش آئن، جنہاں اچ ٹریفک حادثات دی تعداد 116 اے۔ ملتان شہر اچ 107، شجاع آباد اچ اٹھ تے جلال پور پیروالا اچ ہک ٹریفک حادثہ پیش آئے۔ ریسکیو 1122 دیاں ٹیماں ضلع اچ 242 میڈیکل ایمرجنسیز اچ مریضاں کوں مختلف ہسپتالاں اچ شفٹ کیتا۔ ملتان شہر اچ 234 جݙاں جو شجاع آباد تے جلال پور پیروالا اچ چار چار ایمرجنسیز پیش آئن۔ نوکرائم، چار بھاہ لڳݨ تے 14 ݙھئے پووݨ دی ایمرجنسیز رپورٹ تھئن۔ ضلع اچ مجموعی طور تے 446 لوکاں کوں ریسکیو کیتا ڳئے۔ ملتان شہر اچ 411، شجاع آباد اچ 19 تے جلال پور پیروالا اچ 16 لوکاں کوں ریسکیو کیتا ڳئے۔