اسلام آباد۔4 اکتوبر (اے پی پی) وزیرِ دفاع خواجہ محمد آصف آکھیے جو پاکستان تحریکِ انصاف دی قیادت خیبرپختونخوا اچ دہشت گردی دی سہولت کاری کریندی پئی اے جئیں پاروں صوبے اچ سکیورٹی دے چیلنجز اچ ودھدے پئن۔ اتوار کوں سماجی رابطے دی ویب سائٹ ایکس تے اپݨے بیان اچ انہاں آکھیا جو صوبے اچ دہشت گردی دے واقعات دے نتیجے اچ ٻہوں سارے شہریاں تے سکیورٹی اہلکاراں دی شہادت …
قوم تے پاک فوج اندرلے ٻاہرلے دشمناں دا مقابلہ کرݨ کیتے ثابت قدم ہن، وزیرِ دفاع خواجہ محمد آصف
اسلام آباد۔4 اکتوبر (اے پی پی) وزیرِ دفاع خواجہ محمد آصف آکھیے جو پاکستان تحریکِ انصاف دی قیادت خیبرپختونخوا اچ دہشت گردی دی سہولت کاری کریندی پئی اے جئیں پاروں صوبے اچ سکیورٹی دے چیلنجز اچ ودھدے پئن۔ اتوار کوں سماجی رابطے دی ویب سائٹ ایکس تے اپݨے بیان اچ انہاں آکھیا جو صوبے اچ دہشت گردی دے واقعات دے نتیجے اچ ٻہوں سارے شہریاں تے سکیورٹی اہلکاراں دی شہادت تے قوم خیبرپختونخوا حکومت توں جواب منگسی۔ وزیرِ دفاع آکھیا جو بانی پی ٹی آئی دہشت گردی دی حمایت کرݨ آلے عناصر کوں خیبرپختونخوا اچ آباد کرݨ دی حمایت کیتی، قومی اسمبلی اچ انہاں دیاں تقریراں تے میڈیا دا ریکارڈ ایں ڳالھ دے گواہ ہن۔ انہاں آکھیا جو مرکز اچ اقتدار توں محرومی بعد پی ٹی آئی دے ہروزیراعلیٰ وفاق تے حملہ کیتا۔ خواجہ آصف اسلام آباد کوں وفاق دی وحدت دی علامت تے 25 کروڑ پاکستانیاں دی سنڄاݨ قرار ݙتا۔وزیرِ دفاع آکھیا جو شہداء وطن دی حفاظت کریندے ہوئیں اپݨی جاناں دا نذرانہ پیش کیتا تے گزریل سال تھیوݨ آلے فوجی آپریشن دا حوالہ ݙیندے آکھیا جو ایں آپریشن دشمن دا غرور مٹی اچ ملا ݙتا۔ انہاں آکھیا جو پاکستانی قوم تے بہادر مسلح افواج کہیں وی اندرلے تے ٻاہرلے دشمن دا مقابلہ کرݨ کیتے ثابت قدم ہن۔
