سری لنکن انڈر 17 مینز کرکٹ ٹیم ملتان پڄ ڳئی

ملتان۔05 اکتوبر(اے پی پی)سری لنکن انڈر 17 مینز کرکٹ ٹیم پاکستان انڈر 17 ٹیم دے خلاف سیریز اچ شرکت کیتے ملتان پڄ ڳئی، مہمان ٹیم اپݨے دورۂ پاکستان اچ پاکستان انڈر 17 دے خلاف ہک ترائے ݙینھ دا میچ اتے پنڄ ون ڈے میچز کھیڈسی۔ سری لنکن انڈر 17 ٹیم دی سنوار کوں ملتان انٹرنیشنل ایئرپورٹ پڄی جتھاں متعلقہ حکام اتے کرکٹ منتظمین انہاں دا استقبال کیتا۔ ݙوہائیں ٹیماں دی سیریز دے میچز ملتان کرکٹ سٹیڈیم اچ کھیڈیے ویسن۔ شیڈول دے مطابق سیریز دا آغاز 9 اکتوبر توں تھیسی ڄݙاں جو آخری میچ 24 اکتوبر کوں کھیڈیا ویسی۔ ترائے ݙینھ دے میچ بعد ݙوہائیں ٹیماں پنڄ ون ڈے میچ کھیݙسن۔