اسلام آباد۔5 اکتوبر(اے پی پی)اقوامِ متحدہ دے سیکریٹری جنرل انتونیو گوتریس اہم دورے تے کل ٻڈھ کوں پاکستان پڄسن۔ دورۂ پاکستان اچ اقوامِ متحدہ دے سیکریٹری جنرل اسلام آباد اچ اعلیٰ قیادت نال ملسن ڄنہاں اچ وزیراعظم محمد شہباز شریف، نائب وزیراعظم محمد اسحاق ڈار اتے صدرِ مملکت آصف علی زرداری شامل ہین۔ ایں وار وی اقوامِ متحدہ دے سیکریٹری جنرل نیشنل ڈیزاسٹر مینجمنٹ اتھارٹی دا دورہ کریسن ڄتھاں او …
اقوامِ متحدہ دے سیکریٹری جنرل کل پاکستان پڄسن، اہم ملاقاتاں شیڈول
اسلام آباد۔5 اکتوبر(اے پی پی)اقوامِ متحدہ دے سیکریٹری جنرل انتونیو گوتریس اہم دورے تے کل ٻڈھ کوں پاکستان پڄسن۔ دورۂ پاکستان اچ اقوامِ متحدہ دے سیکریٹری جنرل اسلام آباد اچ اعلیٰ قیادت نال ملسن ڄنہاں اچ وزیراعظم محمد شہباز شریف، نائب وزیراعظم محمد اسحاق ڈار اتے صدرِ مملکت آصف علی زرداری شامل ہین۔ ایں وار وی اقوامِ متحدہ دے سیکریٹری جنرل نیشنل ڈیزاسٹر مینجمنٹ اتھارٹی دا دورہ کریسن ڄتھاں او سیلاب توں بعد آفات نال نمٹݨ دی تیاری دا آپ جائزہ ڳھنسن۔ 2022 اچ پاکستان کوں ݙاݙھے سیلاب دے بعد اقوامِ متحدہ دے سیکریٹری جنرل سیلاب متاثرہ علاقیاں دا دورہ کیتا ہئی۔ اسلام آباد اچ انتونیو گوتریس اقوامِ متحدہ دے ملٹری آبزرور گروپ ان انڈیا اینڈ پاکستان دے ہیڈکوارٹرز دا وی دورہ کریسن۔ یو این ایم او جی آئی پی بھارت اتے پاکستان اچ اقوامِ متحدہ دے فوجی مبصرین دا مشن اے۔
