xاسلام آباد۔5 اکتوبر(اے پی پی)افغانستان بارے ماسکو فارمیٹ مشاورت دا اٹھواں اجلاس روسی دارالحکومت ماسکو اچ شروع تھی ڳئے، ڄیندے اچ پاکستان، افغانستان اتے خطے دے ٻئے ملکاں دے نمائندے علاقائی امن، سلامتی، انسدادِ دہشتگردی اتے اقتصادی تعاون سودھا اہم امور تے غور کریندے پئن۔ روسی وزیرِ خارجہ سرگئی لاوروف اجلاس دے افتتاحی سیشن اچ شرکت کیتی اتے مختلف ملکاں توں آوݨ والے وفود نال خطاب کیتے۔ پاکستان دی نمائندگی …
افغانستان اتے ماسکو فارمیٹ اجلاس، پاکستان دی اعلیٰ سطح وفد نال شرکت
xاسلام آباد۔5 اکتوبر(اے پی پی)افغانستان بارے ماسکو فارمیٹ مشاورت دا اٹھواں اجلاس روسی دارالحکومت ماسکو اچ شروع تھی ڳئے، ڄیندے اچ پاکستان، افغانستان اتے خطے دے ٻئے ملکاں دے نمائندے علاقائی امن، سلامتی، انسدادِ دہشتگردی اتے اقتصادی تعاون سودھا اہم امور تے غور کریندے پئن۔ روسی وزیرِ خارجہ سرگئی لاوروف اجلاس دے افتتاحی سیشن اچ شرکت کیتی اتے مختلف ملکاں توں آوݨ والے وفود نال خطاب کیتے۔ پاکستان دی نمائندگی وزیراعظم دے معاونِ خصوصی اتے افغانستان کیتے خصوصی نمائندے سفیر محمد صادق دی قیادت اچ اعلیٰ سطح وفد کریندا پئے۔ پاکستانی وفد اچ روس اچ پاکستان دے سفیر فیصل نیاز ترمذی، افغانستان اچ پاکستان دے سفیر عبیدالرحمان نظامانی اتے ٻئے اعلیٰ حکام وی شامل ہین۔ اجلاس اچ افغانستان دی موجودہ صورتِ حال، علاقائی امن و سلامتی، دہشت گردی دے خلاف تعاون، اقتصادی روابط اتے خطے اچ رابطہ کاری دے ودھارے تے توجہ ݙتی ویندی پئی اے، شرکا افغانستان نال مسلسل رابطے، مشترکہ سکیورٹی چیلنجاں نال نمٹݨ اتے علاقائی اقتصادی تعاون دے امکانات تے وی الیندے پئن۔ پاکستان اجلاس اچ اپݨا موقف دوہریندے افغانستان اچ امن و استحکام کوں پورے خطے دی سلامتی اتے خوشحالی کیتے ضروری قرار ݙتا۔ پاکستانی حکام دے مطابق مشترکہ سکیورٹی اتے اقتصادی مسائل دے حل کیتے افغانستان نال مسلسل رابطہ اتے خطے دے ملکاں دے بامقصد مذاکرات جاری رکھݨ ضروری اے۔ ماسکو فارمیٹ افغانستان اتے خطے دے متعلقہ ملکاں کوں ہک مشترکہ پلیٹ فارم ݙیندے، ڄتھاں افغانستان دی سیاسی، سکیورٹی، انسانی اتے اقتصادی صورتِ حال سودھا باہمی دلچسپی دے علاقائی معاملیاں تے مشاورت کیتی ویندی اے۔
