اسلام آباد۔8 اکتوبر (اے پی پی) وزیراعظم محمد شہباز شریف شمالی وزیرستان اچ فتنہ الخوارج دے خلاف کامیاب کارروائی تے سکیورٹی فورسز دے افسران تے اہلکاراں دی تعریف کریندیں ہوئیں آکھیا جو دہشت گردیں کوں ملک اچ بدامنی کھنݙاوݨ تے آپݨے مذموم عزائم اچ کامیاب نہ تھیوݨ ݙیسوں۔ خمیس کوں وزیراعظم آفس دے میڈیا ونگ توں جاری بیان دے مطابق وزیراعظم کارروائی اچ فتنہ الخوارج دے 4 اہم کمانڈراں سمیت …
دہشت گردیں کوں ملک اچ بدامنی کھنݙاوݨ تے مذموم عزائم اچ کامیاب نہ تھیوݨ ݙیسوں، وزیراعظم محمد شہباز شریف
مزید خبراں
اسلام آباد۔8 اکتوبر (اے پی پی) وزیراعظم محمد شہباز شریف شمالی وزیرستان اچ فتنہ الخوارج دے خلاف کامیاب کارروائی تے سکیورٹی فورسز دے افسران تے اہلکاراں دی تعریف کریندیں ہوئیں آکھیا جو دہشت گردیں کوں ملک اچ بدامنی کھنݙاوݨ تے آپݨے مذموم عزائم اچ کامیاب نہ تھیوݨ ݙیسوں۔ خمیس کوں وزیراعظم آفس دے میڈیا ونگ توں جاری بیان دے مطابق وزیراعظم کارروائی اچ فتنہ الخوارج دے 4 اہم کمانڈراں سمیت 9 دہشت گرد ہلاک کرݨ تے افسراں تے اہلکاراں دی پیشہ ورانہ صلاحیتاں کوں سراہیا اے۔ وزیراعظم آکھیا جو شمالی وزیرستان دے علاقیاں پلنگ زئی، ندیم کوٹ تے کوٹ خضری اچ فتنہ الخوارج دے خلاف مؤثر کارروائیاں کیتیاں ڳئیاں، فتنہ الخوارج دے خلاف سکیورٹی فورسز دیاں کامیاب کارروائیاں دہشت گردی دے مکمل خاتمے کیتے پاکستان دے غیر متزلزل عزم دی عکاس ہن۔ وزیراعظم آکھیا جو سکیورٹی فورسز دے افسران تے جوان دہشت گردی دے خاتمے تے ملک اچ پائیدار امن دے قیام کیتے قابلِ تحسین خدمات انجام ݙیندے پئن۔
