بنکاک۔14 اکتوبر(اے پی پی)وفاقی وزیرِ خزانہ و محصولات سینیٹر محمد اورنگزیب بین الاقوامی مالیاتی فنڈ (آئی ایم ایف) دے ڈپٹی منیجنگ ڈائریکٹر نائجل کلارک نال ملین اتے انہاں نال پاکستان دی معاشی پیشرفت اتے اصلاحات بارے ترجیحات تے الایا۔ تھائی لینڈ دے شہر بنکاک اچ عالمی بینک گروپ تے آئی ایم ایف دے سالانہ اجلاساں دے موقع تے وزیرِ خزانہ آئی ایم ایف نال شراکت داری کوں سراہندے اصلاحات کیتے …
وزیرِ خزانہ دی آئی ایم ایف دے ڈپٹی منیجنگ ڈائریکٹر نال ملاقات
بنکاک۔14 اکتوبر(اے پی پی)وفاقی وزیرِ خزانہ و محصولات سینیٹر محمد اورنگزیب بین الاقوامی مالیاتی فنڈ (آئی ایم ایف) دے ڈپٹی منیجنگ ڈائریکٹر نائجل کلارک نال ملین اتے انہاں نال پاکستان دی معاشی پیشرفت اتے اصلاحات بارے ترجیحات تے الایا۔ تھائی لینڈ دے شہر بنکاک اچ عالمی بینک گروپ تے آئی ایم ایف دے سالانہ اجلاساں دے موقع تے وزیرِ خزانہ آئی ایم ایف نال شراکت داری کوں سراہندے اصلاحات کیتے مضبوط سیاسی عزم اتے انہاں تے مسلسل عملدرآمد سانڳے زور ݙتا۔ انہاں پاکستان دی بین الاقوامی کیپٹل مارکیٹس اچ واپسی اتے سرمایہ کاراں دی بھرپور شرکت کوں وی اڳونہا کیتا۔ انہاں معاشی طور تے کمزور طبقیاں دے تحفظ تے سماجی ہم آہنگی برقرار رکھݨ کیتے ہدف تے مبنی فیول سبسڈی دے اقدامات دا ݙسایا۔ انہاں زرِ مبادلہ دے ذخائر اچ اضافے، مسلسل ترائے سال بنیادی مالیاتی سرپلس دے حصول تے مجموعی قومی پیداوار دے تناسب نال قرضیاں اچ کمی تے وی الایا۔ ملاقات اچ پائیدار معاشی نمو، پالیسیاں اچ تسلسل تے مالیاتی نظم و ضبط برقرار رکھیندے ہوئیں صحت تے تعلیم دے اخراجات دے تحفظ تے ڳالھ مہاڑ تھئی۔
