اقوامِ متحدہ۔16 اکتوبر (اے پی پی) اقوامِ متحدہ دی سلامتی کونسل دے ارکان حوثیاں ولوں سعودی عرب تے کیتے ون٘ڄݨ آلے حملیاں دی مذمت کیتی اے، جنہاں اچ انہاں دے بقول شہری ہوائی اڈیاں تے توانائی دے بنیادی ڈھانچے کوں نشانہ بݨایا ڳیا۔ بی بی سی دے مطابق کونسل دے رکن ملکاں بحیرۂ احمر تے آبنائے باب المندب اچ تجارتی جہازاں دے خلاف حوثیاں دے مسلسل حملیاں تے دھمکیاں دی …
سلامتی کونسل دی سعودی عرب تے حوثیاں دے حملیاں دی مذمت
مزید خبراں
اقوامِ متحدہ۔16 اکتوبر (اے پی پی) اقوامِ متحدہ دی سلامتی کونسل دے ارکان حوثیاں ولوں سعودی عرب تے کیتے ون٘ڄݨ آلے حملیاں دی مذمت کیتی اے، جنہاں اچ انہاں دے بقول شہری ہوائی اڈیاں تے توانائی دے بنیادی ڈھانچے کوں نشانہ بݨایا ڳیا۔ بی بی سی دے مطابق کونسل دے رکن ملکاں بحیرۂ احمر تے آبنائے باب المندب اچ تجارتی جہازاں دے خلاف حوثیاں دے مسلسل حملیاں تے دھمکیاں دی وی مذمت کیتی۔ سلامتی کونسل توں بیان اچ تجارتی جہازاں تے انہاں دے عملے دی حفاظت کوں یقینی بݨاوݨ دی اہمیت تے زور ݙتا ڳیا۔ بیان اچ بین الاقوامی قوانین، بالخصوص اقوامِ متحدہ دے سمندری قوانین دے کنونشن دی پابندی تے جہاز رانی دے حقوق تے آزادیاں دے تحفظ دی ضرورت تے وی تاکید کیتی ڳئی۔ سلامتی کونسل دے ارکان آپݨے بیان اچ آکھیا جو یمن اچ پائیدار امن تشدد، جبر یا طاقت دے استعمال دے ذریعے حاصل نئی کیتا ون٘ڄ سڳدا۔ سلامتی کونسل دے رکن ملکاں یمن دے مسئلے دے سیاسی حل دی حمایت دا اعادہ کریندے ہوئیں آکھیا جو ایں تنازعے دا مستقل حل مذاکرات تے سیاسی عمل دے ذریعے ممکن اے۔ سلامتی کونسل دے 5 مستقل رکن ملکاں امریکہ، روس، چین، برطانیہ تے فرانس ہن جݙانجو غیر مستقل ارکان اچ پاکستان، ڈنمارک، یونان، پاناما، صومالیہ، بحرین، کولمبیا، کانگو، لیٹویا تے لائبیریا شامل ہن۔
