دبئی ۔ 12 فروری (اے پی پی) پاکستان کرکٹ بورڈ (پی سی بی) ولوں پی ایس ایل فور(سبھائیں)خمیس توں شروع تھیسی جیندے اچ ملتان سلطان، لاہور قلندر، پشاور زلمی،کراچی کنگز، کوئٹہ گلیڈی ایٹرزاتے اسلام آباد یونائیٹڈ اچ جوڑ پوسی،ڈی ویلیئرز، ڈیرن سمی، کولن منروسودھے کئی منیے ہوئے انٹرنیشنل کھیڈاری پی ایس ایل کوں پرجوش بنڑاونڑ کیتے کھیڈ جمیسن۔ اسلام آباد یونائیٹڈ دی ٹیم ٹائٹل دا دفاع کریسی اتے تریجھی واری ٹائٹل جیتنر کیتے پورا زور لیسی اتے اپنڑا پہلا میچ لاہور قلندرز دے خلاف کھیڈسی۔چوڈاں فروری توں 17 مارچ تئیں جاری راہنڑآلے ایونٹ اچ 6 ٹیماں ٹائٹل دے حصول کیتے قسمت آزمائی کریسن جیندے اچ اسلام آباد یونائیٹڈ، لاہور قلندرز، کراچی کنگز، ملتان سلطانز، پشاور زلمی اتے کوئٹہ گلیڈی ایٹرز شامل ہین۔ لیگ اچ ہر ٹیم 10، 10 میچز کھیڈسی جیندے اچوں ٹاپ چار ٹیماں ناک آﺅٹ مرحلے اچ ویسن۔سابق جنوبی افریقن بلے باز اے بی ڈی ویلیئرز پہلی واری لیگ اچ حصہ گھنسن۔ لاہور قلندرزدی قیادت محمد حفیظ ،محمد سمیع اسلام آباد یونائیٹڈ، عماد وسیم کراچی کنگز، شعیب ملک ملتان سلطانز، ڈیرن سیمی پشاور زلمی اتے سرفراز احمد کوئٹہ گلیڈی ایٹرزدی قیادت کریسن۔ شاہد خان آفریدی ایں واری ملتان سلطانز اچ ہوسن جڈاں جو مصباح الحق پشاور زلمی دا حصہ ہوسن۔
