اسلام آباد ۔ 22 مئی (اے پی پی) مہمند ڈیم ہائیڈرو پاور پراجیکٹ دے تعمیراتی ڈیزائن، نگرانی اتے کنٹریکٹ مینجمنٹ بارے مشاورتی خدمات کیتے واپڈا اتے مہمند ڈیم کنسلٹنٹس گروپ وچال معاہدہ تھی گئے ۔ایندے تے دستخط میگا ہائیڈل کمپلیکس اچ کیتے گئے۔مہمند ڈیم ہائیڈرو پاور پراجیکٹ دے جنرل منیجر اتے پراجیکٹ ڈائریکٹر محمد جاوید آفریدی اتے مہمند ڈیم کنسلٹنٹس گروپ دے نمائندے ڈاکٹر طاہرمحمود حیات 9 ارب 98 کروڑ روپے دے معاہدے تے دستخط کیتن۔ نیسپاک دی زیر قیادت مہمند ڈیم کنسلٹنٹس گروپ اچ نیسپاک سودھے 4 غیر ملکی اتے 9 ملکی کمپنیاں شامل ہین۔
