اسلام آباد۔04جولائی(اے پی پی)وزیراعظم عمران خان پاکستان کرکٹ بورڈ (پی سی بی)دی تجویز تے ڈومیسٹک کرکٹ دے نویں ڈھانچے دی منظوری ڈیندے ہوئے سارے اداریاں کوں تعاون دی ہدایت کیتی اے۔وزیراعظم ہاوس موجب ڈسایا گئے جو وزیراعظم عمران خان پی سی بی دے پیٹرن دی حیثیت نال بورڈ دے نظرثانی شدہ نظام بارے تجاویز منظور کرگھدن۔ڈوجھے پاسو کرکٹ بورڈ دے مطابق پی سی بی نال تعاون کیتے یارھاں اداریاں کوں وزیراعظم ہاﺅس ہدایت نامہ بھجوائے جیندے اچ واپڈا، ایس این جی پی ایل، اسٹیٹ بینک، نیشنل بینک، کے آر ایل، پی ٹی وی، زیڈ ٹی بی ایل، پی آئی اے، ریلوے اتے سول ایوی ایشن شامل ہین۔نظر ثانی نظام دے مطابق ریجنزدیاں 15 ڈومیسٹک ٹیماں کوں ڈوبیاں اچ ونڈ تے 6 ٹیماں اچ وٹا ڈتا گئے۔ایندے اچ پنجاب سینٹرل، جنوبی پنجاب، سندھ، خیبر پختونخوا (کے پی)، بلوچستان اتے ناردرن ریجنزدیاں ٹیماں شامل ہوسن۔پی سی بی اداریاں توں نویں نظام اتے ٹیماں دی تشکیل اچ اسپانسر شپ ،انتظامی تعاون دی درخواست کیتی اے تاں جو نچلی سطح توں قومی سطح تئیں تعاون ودھایا ونج سگے۔
