اسلام آباد۔02اگست(اے پی پی)امریکی صدر ڈونلڈ ٹرمپ ہک واری ول پاکستان اتے بھارت وچال مسئلہِ کشمیر تے ثالثی دی پیشکش دی تائید کریندے ہوئے آکھیے جو پاکستانی وزیراعظم عمران خان اتے بھارتی وزیراعظم نریندر مودی بہوں چنگے انسان ہین،میکوں لگدے جو ڈوہیں رہنماواں دی چنگی نبھسی،جیکر او ڈوہیں چاہسن تاں ضرور ہتھ ونڈیسوں،مسلہ کشمیر تے ثالثی دی پیشکش منڑ ہنڑ بھارتی وزیراعظم مودی دا کم اے۔میڈیا نال الویندے ہوئے انڈیا ولوں پیشکش ٹھکراونڑ دے سوال تے ٹرمپ آکھیا جو میں ایں باے پاکستان نال الوائے اتے بھارت نال وی بلا تکلف گالھ کیتی اے،جیکر ڈوہیں ملک چاہون جو ایندے اچ کوئی مداخلت کرے یا مدد کرے تاں اساں تیار ہیں۔
