وزیراعظم عمران خان دی صدارت اچ قومی سلامتی کمیٹی دا اجلاس ،وزیراعظم دی مسلح افواج کوں الرٹ رہونڑ دی ہدایت بھارت دے نال سفارتی تعلقات دی سطح گھٹائی ویسی ، تجارت کوں معطل کرنڑ ، معاملہ اقوام متحدہ اتے سلامتی کونسل اچ چاونڑ دا فیصلہ بہادرکشمیری عوام دے نال یکجہتی سانگے یوم آزادی پاکستان کوں یوم یکجہتی کشمیر، 15 اگست بھارتی یوم آزادی دے ڈینھ کوں یوم سیاہ دے طورتے مناونڑ دا فیصلہ کیتا گئے

اسلام آباد ۔ 7 اگست (اے پی پی) قومی سلامتی کمیٹی دااجلاس وزیراعظم عمران خان دی صدارت اچ تھیا ۔اجلا س اچ بھارت دے نال سفارتی تعلقات دی سطح گھٹائی ویسی ، تجارت کوں معطل کرنڑ اتے معاملے کوں اقوام متحدہ اتے سلامتی کونسل اچ چاونڑ دا فیصلہ کیتا گئے،قومی سلامی کمیٹی بہادرکشمیری عوام دے نال یکجہتی سانگے یوم آزادی پاکستان کوں یوم یکجہتی کشمیراتے 15 اگست بھارتی یوم آزادی دے ڈینھ کوں یوم سیاہ دے طورتے مناونڑ دافیصلہ کیتے۔وزیراعظم مسلح افواج کوں الرٹ رہونڑ دی ہدایت کیتی۔قومی سلامتی کمیٹی دااجلاس بدھ کوں اتھاں وزیراعظم آفس اچ عمران خان دی صدارت اچ تھیا۔اجلاس اچ وزیردفاع، وفاقی وزیرداخلہ، وزیرخارجہ، وفاقی وزیرتعلیم تے پیشہ ورانہ تربیت ، وفاقی وزیرانسانی حقوق، وفاقی وزیرامورکشمیرتے گلگت بلتستان، وزیرقنون، خزانہ تے اقتصادی امورسانگے وزیراعظم دے مشیر، چیئرمین جوائنٹ چیفس آف سٹاف کمیٹی، آرمی چیف، پاک فضائیہ دے سربراہ ، نیول چیف، وائس چیف آف نیول سٹاف، معاون خصوصی اطلاعات تے نشریات، ڈائریکٹرجنرل آئی ایس آئی، ڈی جی آئی ایس پی آر، سیکرٹری خارجہ اتے بئے سینئرافسراں شرکت کیتی کی۔اجلاس اچ بھارتی حکومت دے یکطرفہ اتے غیرقنونی اقدامات نال بنڑن آلی صورتحال ، مقبوضہ جموں تے کشمیر اتے کنٹرول لائن دی صورتحال دا جائزہ گھدا گیا۔ قومی سلامتی کمیٹی بھارت دے نال سفارتی تعلقات دی سطح گھٹاونڑ دا فیصلہ کیتے۔ کمیٹی بھارت دے نال تجارت معطل کرنڑ دا وی فیصلہ کیتے۔ قومی سلامتی کمیٹی بھارت دے نال ڈوطرفہ انتظامی امور تے نظرثانی کرنڑ دا فیصلہ وی کیتے۔اجلاس اچ معاملہ اقوام متحدہ اتے سلامتی کونسل اچ چاونڑ دا فیصلہ وی کیتا گئے۔قومی سلامتی کمیٹی بہادرکشمیری عوام دے حق خودارادیت دے جدوجہد نال یکجہتی دے اظہارسانگے 14 اگست کوں یوم آزادی پدے ڈینھ کوںیوم یکجہتی کشمیر اتے15 اگست کو ںبھارتی یوم آزادی دے ڈینھ کوں یوم سیاہ دے طورتے مناونڑ دافیصلہ کیتے۔ اجلاس توں خطاب کریندے ہوئیں وزیراعظم عمران خان بھارتی ظلم سے ایندی سفاکانہ سوچ اتے انسانی حقوق دی پامالیاں کوں بے نقاب کرنڑ سانگے سارے سفارتی ذرائع استعمال کرنڑ دی ہدایت کیتی۔وزیراعظم عمران خان مسلح افواج کوں الرٹ رہونڑ دی وی ہدایت کیتی۔