مقبوضہ کشمیر دے معاملے تے بھارتی غیر قنونی اقدام اتے بے گناہ کشمیریاں تے بھارتی ظلم دے خلاف پاکستان بھارت دے نال سفارتی تعلقات گھٹاونڑ‘ بھارت نال ڈوطرفہ تجارت معطل کرنڑ‘ ڈوطرفہ سارے ارینجمنٹس تے نظرثانی کرنڑ ‘ اقوام متحدہ اتے سلامتی کونسل نال رجوع کرنڑ اتے 14 اگست کوں پاکستان دا یوم آزادی کشمیریاں دے نال اظہار یکجہتی دےڈینھ دے طور تے مناونڑ دا فیصلہ کیتے‘ 15 اگست کوں بھارتی یوم آزادی دا ڈینھ یوم سیاہ دے طور تے منایا ویسی وزیر خارجہ شاہ محمود قریشی

اسلام آباد ۔ 7 اگست (اے پی پی) وزیر خارجہ شاہ محمود قریشی آکھیے جو مقبوضہ کشمیر دے معاملے تے بھارتی غیر قنونی اقدام اتے بے گناہ کشمیریاں تے بھارتی ظلم دے خلاف پاکستان بھارت دے نال سفارتی تعلقات گھٹاونڑدا فیصلہ کیتے۔انہاں آکھیا جوبھارت نال ڈوطرفہ تجارت معطل کرنڑ‘ ڈوطرفہ سارے ارینجمنٹس تے نظرثانی کرنڑ دا وی فیصلہ کیتا گئے۔ انہاں آکھیا جواقوام متحدہ اتے سلامتی کونسل نال رجوع کرنڑ اتے 14 اگست کوں پاکستان دا یوم آزادی کشمیریاں دے نال اظہار یکجہتی دے ڈینھ دے طور تے مناونڑ دا فیصلہ کیتا گئے اتے 15 اگست کوں بھارتی یوم آزادی دا ڈینھ یوم سیاہ دے طور تے منایا ویسی۔ وزیر خارجہ شاہ محمود قریشی آکھیا جو بھارت 5 اگست کوں جیرھے اقدامات کیتے انہاں دی وختی مذمت کیتی گی اتے انہاں کوں مسترد کیتا گئے۔ پاکستان دے عوام‘ سیاسی جماعتاں اتے مقبوضہ کشمیر دی کشمیری قیادت انہاں کوں نی منیا۔ا یجھی صورتحال تے ودھ سارے لوک اپنڑے صلاح ڈیندے پن۔ نیویارک ٹائمز‘ واشنگٹن پوسٹ اتے سنڈے انٹرنیشنل تشویش دا اظہار کیتے۔ مودی دی حکومت صورتحال کوں پہلے توں ودھ پیچیدہ کرڈتے۔اتھاں بحث شروع تھی تاں میںحج تے گیا ہویا ہم کڈاہیںچھٹیاں گزارن کائنی گیا ہم۔ اتھاں ایہ معاملہ چاتا گیا تاں محسوس کیتا جو پوری قوم اضطراب دی کیفیت اچ ہے تا ں میں پاکستان دے عوام اتے ایوان دی آراءدا احترام کریندے ہوئیں کشمیریاں دے نال یکجہتی ظاہر کرنڑ سانگے واپس آیا ہاں۔ انہاں آکھیا جو کنٹرول لائن توںپار اتے اتھاںکشمیریاں کوں پیغام ڈیندوں جو حکومت ‘ قوم اتے عوام ایں مسئلے تے ہک مٹھ ہن ،جتھاں ایجنڈے توںہٹ تے وی شاید گالھ کیتی گی گئی ہوئے‘ ایہ تھی ویندے،لیکن بھارت دے غیر قانونی فعل تے پاکستان اچ ہی نی بھارت اچ وی تنقید کی تی ویندی پی ہے۔ بھارت دی ہمیشہ سفارتی کوشش رہی ہے جو کشمیر دے مسئلے کوں دبایا ونجے۔بھارت دی کوشش رہی ہے جو دنیا دی نظر توںا یہ مسئلہ لوکایا ونجے ،ہنڑ بھارت خود ایں مسئلے کوں بین الاقوامی اہمیت دا بنرا چھوڑے۔ج پوری دنیا اچ مسئلہ کشمیر اتے کشمیریاں دی جدوجہد دی گالھ تھیندی پی ہے۔ بھارت دے سابق وزیر داخلہ چدمبرم وی آکھیے جو تریخ ڈسیسی جو مودی حکومت دا فیصلہ بے وقوفی آلا فیصلہ ہے‘ اتے ایہ غیر جمہوری فعل ہا۔ ایندے نال بھارت دے دفاعی نظام تے ضرب لگی ہے۔ وزیر خارجہ آکھیا جو سابق بھارتی وزیراعظم جواہر لعل نہرو کئی واری اپنڑاں موقف دہرا چکے ہن ،جیندے اچ استصواب رائے داوعدہ کیتا گیا ہا۔ محبوبہ مفتی اتے عمر عبداللہ دے بیانات اج واضح ہن ،جیرھا طبقہ پہلے اتنا واضح کائنی ہا اج ایں واقعہ ساریاں کوں ہک مٹھ کر ڈتے۔ انہاں آکھیا جو نریندر مودی کو ںکوئی غلط فہمی ہے تاں کرفیو چاوے اتے 9 لکھ فوجی ہٹاوے اتے پنج اگست دے فیصلے تے کشمیریاں توں صلاح پوچھے تاں بھارت دا شیرازہ بکھر ویسی۔ وزیر خارجہ شاہ محمود قریشی آکھیا جو بھارتی آئین دے آرٹیکل 370 اتے 35 اے کو مکاونڑ دے حوالے نال وی قنونی بحث شروع تھی گی ہے اتے ہک لمبی قنونی جنگ شروع تھی گی ہے ۔ انہاں آکھیا جو ج کوئی کشمیری بھارت آلے پاسے نی ڈیکھدا پیا ،ا وہ پاکستان اتے امت مسلمہ ول ڈیکھدے پن۔ انہاں آکھیا جووزیراعظم دی ہدایت تے ایں مسئلے تے غور سانگے صدر پارلیمنٹ دامشترکہ اجلاس سڈیا ،تاں جو اجلاس توں نہتے اتے مظلوم کشمیریاں کوں پیغام ڈتا ونجے جو ا وہ کلھے کائنی ہن۔ کل وی پاکستان انہاں دے نال ہا اتے اج وی نال ہے۔کشمیریاں کوں کلھا کائناں چھوڑسوں۔ وزیر خارجہ آکھیا جو بھارت دی سول سوسائٹی کو ں وی ایں بھارتی اقدام تے تشویش ہے اتے انہاں بھارتی سپریم کورٹ نال رجوع کیتے۔ وزیراعظم دی زیر صدارت قومی سلامتی کونسل دے اجلاس اچ وی ایں صورتحال تے غور کیتا گئے اتے عالمی دنیا کوں پاکستان دے موقف بارے ڈسایا گئے۔ انہاں آکھیا جو اساکوں ایں سانگے ہک مٹھ تھیونڑے۔انہاں آکھیا جو میں حج توں اگر ملکی مفاد کو ںسامنے رکھ تے واپس آیا ہاں تاں ایں مسئلے دی اہمیت دا پتہ لگدے۔شاہ محمود قریشی آکھیا جو معاملے دی نزاکت کوں ڈیکھدے ہوئیں وزیراعظم سیاسی‘ قنونی اتے سفارتی اقدامات سانگے ہک اعلیٰ سطح دی کمیٹی بنرائی ہے۔ایںمعاملے بارے کجھ فیصلے کیتن اج ول قومی سلامتی کمیٹی دااجلاس سڈیا گیا اتے پنج فیصلے کیتے گن۔ قومی سلامتی کمیٹی فیصلہ کیتے جو ایوان دی صلاح مطابق مقبوضہ کشمیر دے معاملے تے بھارتی غیر قنونی اقدام اتے بے گناہ کشمیریاں تے بھارتی ظلم دے خلاف پاکستان بھارت دے نال سفارتی تعلقات گھٹاونڑ‘ بھارت نال ڈوطرفہ تجارت معطل کرنڑ‘ ڈوطرفہ سارے ارینجمنٹس تے نظرثانی کرنڑ ‘ اقوام متحدہ اتے سلامتی کونسل نال رجوع کرنڑ اتے 14 اگست کوں پاکستان دا یوم آزادی کشمیریاں دے نال اظہار یکجہتی دےڈینھ دے طور تے مناونڑ دا فیصلہ کیتے‘ 15 اگست کوں بھارتی یوم آزادی دا ڈینھ یوم سیاہ دے طور تے منایا ویسی۔انہاں آکھیا جو ایںایوان توں ہک واضح پیغام اتے اجتماعی دانش تے عکاسی ہونی چاہیدی ہے جو ایہا اجتماعی دانش اساڈی جمہوری سوچ ہے۔