اوٹاوا ۔ 22 اکتوبر (اے پی پی) کینیڈا دے وزیر اعظم جسٹن ٹروڈو دی لبرل پارٹی 2019ءدے پارلیمانی انتخابات اچ کامیابی حاصل کرگھدی اے ۔ ذرائع ابلاغ دے مطابق جسٹن ٹروڈو دی لبرل پارٹی ہاوس آف کامنز دیاں 338 نشستاں اچوں 156 نشستاں تے کامیابی حاصل کرگھدی اے جڈاں جو او حکومت دی تشکیل کیتے درکار 170 سیٹاں گھننڑ اچ ناکام رہی اے ۔کامیابی دے باوجود جسٹن ٹروڈو کوں قانون سازی کیتے ہاوس آف کامنز اچوں گھٹ توں گھٹ ہک پارٹی دی حمایت دی ضرورت ہوسی۔ ڈوجھے پاسے کنزرویٹو پارٹی ساریں توں وڈی اپوزیشن پارٹی دی حثیت نال122 جڈاں جو بلاک کیوبیکو پارٹی ایوان زیریں اچ32 سیٹاں حاصل کیتن ۔ ۔ نیو ڈیموکریٹک پارٹی 24 نشستاں حاصل کرنڑ اچ کامیاب تھئی اے ۔
