اسلام آباد ۔ 6 مئی (اے پی پی) وزارت منصوبہ بندی تے ترقی اجوکے مالی سال اچ چین پاکستان اقتصادی راہداری منصوبے سانگے سرکاری شعبے دے ترقیاتی پروگراماں دے تحت ودھ ساری رقم رکھی ہے ایں منصوبے کوں توڑ پجاونڑ سانگے پاکستان اتے چین دیاں حکومتاں ڈینھ رات کم کریندیاںپیاں ہن تاں جو سی پیک کوں ہر ویلھے پورا تھیونڑ نال ایندے اقتصادی فائدے نال حقیقی فائدے کوں یقینی بنڑایا ونج سگے ۔حکومت سی پیک منصوبے دی شاہرات سانگے مالی سال 2015-16دے مختص فنڈز اچ 58ارب 10کروڑ روپے سکھر ملتان موٹر وے سانگے 3ارب 80کروڑ توں ودھ دے فنڈز رکھیے ہن ۔شعبے دے ترقی دے پروگراماں دی ویلھے نال تکمیل توں ملک اچ ترقی تے خوشحالی دے ہک نویں دوردا آغاز تھیسی ۔سماجی انسانی ترقی دے منصوبیں ،پانڑیں ،توانائی اتے خوراک دے شعبیں اچ سرمایہ کاری نال عوام دی زندگی اچ بہتری امسی ۔کوریڈور دے مغربی حصے متعلق منصوبیں تے تکھے کم جاری ہے تاں جو اقتصادی ترقی دے فائدے وختی توں وختی لوکاں کوں پج سگن ۔سکھر ملتان موٹر وے دی بنیاد رکھی ویندی پئی ہے ،اے منصوبہ کراچی پشاور موٹر وے اتے سی پیک دا حصہ ہے ۔392کلومیٹر دا لمبا سیکشن تے 294ارب روپے دی لاگت امسی اتے اے ترائے سالیں اچ پورا تھیسی ۔6رویہ موٹر وے ،ملتان ، جلالپور پیروالا ، احمد پور شرقیہ ، اوباڑہ اتے پنوں عاقل توں ہوندیں ہوئیں سکھر پجسی اتے ایندے نال سندھ تے پنجاب وچال تکھی رفتار سفری دیاں سہولتاں ملسن ۔
