دوحہ۔ 16 دسمبر (اے پی پی) ملائیشیا دے وزیراعظم مہاتیر محمد ایران دے خلاف لاتیاں گیاں امریکی پابندیان دی مخالفت کریندے ہوئیں آکھیے جو ایجھیاں پابندیاں آمریت توں وی بدتر ہن ۔ ڈاکٹر مہاتیر محمد قطر اچ منعقدہ 2019 دوحہ فورم اجلاس دے موقع تے الجزیرہ ٹی وی چینل نال گال مہاڑ کریندے ہوئیں آکھیے جو ایران دے خلاف امریکی پابندیاں دے بعد ملائیشیا ہک وڈی مارکیٹ توں محروم تھی گے ۔ انہاں آکھیا جو اساں پابندیاں دے ذریعے ڈوجھے ملکاں کوں خاص طور تے نظریات اپناونڑ تے انہاں کوں حکومت تے تبدیلی تے مجبور کرنڑ تے یقین نی رکھیندے ۔ ملائشیا دے وزیر اعظم عالمی معیشت دی حالت اتے انہاں نال جڑنڑ دے حوالے نال آکھیے جو کثیرالجہتی دی گال کیتی ویندی اے تاں امریکہ دنیا کوں غلط پاسے گھدی ویندے ، انہاں آکھیے جو تجارتی جنگ کہیں وی مسئلے دا حل کائنی ۔
