کوالالمپور۔17 دسمبر (اے پی پی)پاکستان اتے انگلینڈ دیاں تریمت تریمتاں وچال ترائے بین الاقوامی ٹی ٹونٹی میچاں تے مشتمل سیریز دا ڈوجھا میچ خمیس کوں ملائیشیا دے دارلحکومت کوالالمپور اچ کھیڈیا ویسی۔ انگلینڈ دی ٹیم کوں ترائے میچاں دی سیریز اچ 1-0 دی برتری حاصل اے۔ انگلینڈ ویمن پہلے ٹی ٹونٹی میچ اچ پاکستان کوں 29 رنز توں ہرا ڈتا ہئی ۔ پاکستانی ٹیم بسمعہ معروف دی قیادت اچ میدان اچ لہسی جڈاں جو انگلینڈ دی کپتانی دے فرائض ہیتھر نائٹ انجام ڈیسن، ڈوہیں ٹیماں وچال ٹی 20 انٹرنیشنل میچز دی سیریز دا تریجھا تے چھیکڑی میچ 20دسمبر کوں ایں جاہ تے کھیڈیا ویسی ۔یاد رہے جو ایندے توں پہلے انگلینڈ ٹیم ترائے ہک ڈینھ دے میچاں دی سیریز اچ پاکستان کوں 2-0توں ہرایا ہئی جڈاں جو ہک میچ مینھ دی نذر تھی گیا ہئی ۔
