اسلام آباد ۔ 19 دسمبر (اے پی پی) سٹیٹ بینک آف پاکستان دی ”سٹیٹ آف پاکستان اکانومی 2019-2018ئ“ رپورٹ موجب گذریل مالی سال ٹرانسپورٹ، سٹوریج اتے مواصلات دی شرح ترقی اچ 3.3 فیصد ودھارا،روڈ ٹرانسپورٹ دی خدمات ڈوڑی تھی گین،شرح نمو 3.9 فیصدودھی اے جیڑھی مالی سال 2018ءاچ 2.0 فیصد رہی ہئی۔رپورٹ موجب گزریل مالی سال مواصلات دے ذیلی شعبہ اچ شرح ترقی 2.0 فیصد رہی اے جڈاں جو مالی سال 2018 کوں شعبہ دی شرح نمو منفی4.1 فیصد رہی ہئی اتے گذریل مالی سال اچ مواصلات دے شعبہ دی شرح نمو اچ ودھارا تھئے۔فضائی ٹرانسپورٹ دے شعبہ دی شرح نمو اچ کوئی ردوبدل نئیں تھیا اتے ذیلی شعبہ دی شرح ترقی مالی سال 2018ءاچ 3.4 فیصدہئی جیہڑی مالی سال 2019ءاچ وی 3.4 فیصد ہی رہی اے۔گذریل مالی سال سٹوریج اتے مواصلات دے شعبہ دی ویلیو ایڈیشن اچ ذیلی شعبے روڈ ٹرانسپورٹ دا حصہ 71.3 فیصد، مواصلات دا حصہ 15.4 فیصد اتے فضائی ٹرانسپورٹ دا حصہ 6.3 فیصد ر ہے جڈاں جو تریے شعبیاں داحصہ 93 فیصد ر ہے۔ گذریل مالی سال روڈ ٹرانسپورٹ دے شعبہ دی شرح ترقی اچ ودھارے دی وجوہات اچ چین پاکستان اقتصادی راہداری منصوبہ (سی پیک) دے تحت سڑکاں دی تعمیر دے مختلف منصوبے شامل ہین اتے انہاں منصوبیاں اچ سی پیک دے مشرقی روٹ تے 3005 کلو میٹر سڑکاں دی تعمیر دے 17 مختلف شارٹ ٹرم اتے مغربی روٹ تے 1799 کلو میڑ سڑکاں دی تعمیر دے گھٹ اتے وسط مدت دے 6 مختلف منصوبے شامل ہین،این ایچ اے ملک اچ موٹر ویز دے نیٹ ورک ودھیے جیندے نال شرح نمو دی ودھوتری اچ مدد ملی اے۔
