اسلام آباد ۔ 23 دسمبر (اے پی پی)اجوکے مالی سال دوران موبائل فونز دی درآمدات اچ 63.62فیصد ودھارا تھئے ۔ ادارہ شماریات پاکستان (پی بی ایس) دے اعدادوشمار دے مطابق اجوکے مالی سال دے پہلے 5مہینے اچ جولائی توں نومبر2019ءدے دوران موبائل فونز دی درآمدات 498.466ملین ڈالر تئیں پج گن جڈاں جو گزریل مالی سال اچ جولائی توں نومبر2018ءدے عرصے اچ 304.651ملین ڈالر دیاں درآمدات کیتیاں گیاں ہن ۔ اینویں گزریل مالی سال دے مقابلے اچ اجوکے مالی سال اچ درآمدات اچ 193.815ملین ڈالر یعنی 63.62فیصد ودھارا ریکارڈ کیتا گے ۔ پی بی ایس دے مطابق نومبر2019ءدے دوران درآمدات اچ150.29فیصد ودھارا تھئے تے نومبر 2019ءاچ درآمدات 110.725ملین ڈالر تئیں پج گیاں جڈاں جو نومبر2018ءدے دوران 44.238ملین ڈالر دیاں درآمدات کیتیاں گیاں ۔ رپورٹ دے مطابق اکتوبر 2019ءدے مقابلے اچ نومبر2019ءدے دوران درآمدات اچ 6.68فیصد دی کمی نال درآمدات دا حجم 110.725ملین ڈالر تئیں گھٹ گیاں ۔
