نئی دہلی ۔ 23 دسمبر (اے پی پی) بھارتی اپوریشن جماعت کانگریس دے سابق صدر راہول گاندھی وزیر اعظم نریندر مودی اتے وزیر داخلہ امت شاہ تے معیشت تباہ کرنڑ دا الزام لیندے ہوئیں آکھیے جو انہاں ملک دے نینگراں دا مستقبل تباہ کرڈتے تے انہاں ڈے ہنڑ کوئی جواب کائنی ۔راہول گاندھی نینگراں نال خطاب کریندے ہوئیں اے ٹویٹ کیتے تے آکھیے جو پیارے نینگرو ، مودی اتے شاہ تساڈا مستقبل تباہ کرڈتے ، معیشت کوں تھیونڑ آلا ضیان تے روزگار دی قلت تے او تساڈی کاوڑ دا سامنڑاں نی کرسگدے ، ایہا وجہ اے جو او بھارت دی ونڈ کریندے پن تے پچھوں نفرت کھنڈائی کھڑن ۔ انہاں آکھیا جو انہاں دے نینگراں دے سوال دا جواب کائنی ایں کیتے او ونڈ دی پالیسی بنڑیندے پن ۔
